Medıtsınalyq saqtandyrý qoryna túsken jarna 150 mlrd teńgege jýyqtady
ASTANA. QazAqparat - 2019 jyldyń aqpan aıynda Medıtsınalyq saqtandyrý qoryna 7,6 mlrd teńgeden astam jarna tústi. Tutastaı alǵanda júıe iske qosylǵan 2017 jyldyń 1 shildesinen 2019 jyldyń 28 aqpanyna deıingi aralyqta jınaqtalǵan jarnanyń jalpy somasy 149,2 mlrd teńgeni qurady. Bul týraly «QazAqparat» HAA Qordyń baspasóz qyzmetine silteme jasap habarlaıdy.
Keltirilgen málimetterge qaraǵanda, Qorǵa túsken qarajattyń 140,5 mlrd teńgesi (shamamen 94,2%) jumys berýshilerdiń aýdarymdary. Al qalǵan 8,7 mlrd teńge (5,8% jýyǵy) - jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tıesili.
«Aımaqtyq turǵydan alǵanda, jarna tóleý jaǵynan burynǵysha Almaty, Astana qalalary men Qaraǵandy oblysy kósh bastap tur. Jınaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen» delingen baspasóz baıanynda.
