Medıtsınalyq saqtandyrý qoryna túsken qarajat 47 mlrd teńgeni qurady

ASTANA. QazAqparat - 2018 jyldyń aqpan aıynda Medıtsınalyq saqtandyrý qorynyń Ulttyq banktegi shotyna 9 mlrd tengeden astam jarna tústi. Bul týraly «QazAqparat» «Áleýmettik medıtsınalyq saqtandyrý qory» AQ baspasóz qyzmetine silteme jasap habarlaıdy.

«Júıe iske qosylǵan byltyrǵy jyldyń shildesinen bastap saqtandyrý jarnasyn jumys berýshiler men jeke kásipkerler, sondaı-aq, azamattyq-quqyqtyq sıpattaǵy kelisimshart boıynsha tabys tabatyn tulǵalar tóleı bastaǵan bolatyn. 2017 jyldyń 1 shildesi men 2018 jyldyń 28 aqpany aralyǵynda túsken somanyń jalpy kólemi 47 mlrd teńgeni qurap otyr» , -delingen baspasóz baıanynda.
 

Atalǵan qarajattyń 39 mlrd teńgesi nemese 83 paıyzǵa jýyǵy jumys berýshilerdiń óz qaramaǵyndaǵy jumyskerleri úshin jasaǵan aýdarymdary bolsa, qalǵan 8 mlrd teńge (17 paıyzǵa jýyq) jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tıesili.

Aımaqtyq turǵydan alǵanda, saqtandyrý tólemderin tóleý jaǵynan Almaty, Astana qalalary men Qaraǵandy oblysy kósh bastap tur.
  

Foto: 24.kz