Medıtsınalyq saqtandyrý qoryna túsetin aýdarymnyń 3% rezervke qoıylmaq
ASTANA. QazAqparat – «Áleýmettik medıtsınalyq saqtandyrý qorynyń kútpegen shyǵystardy jabýǵa arnalǵan rezerviniń mólsherin belgileý týraly» Densaýlyq saqtaý mınıstriniń buıyryǵy kópshilik talqylaýǵa shyǵaryldy, dep habarlaıdy QazAqparat tilshisi.
«2015 jylǵy 16 qarashadaǵy «Mindetti áleýmettik medıtsınalyq saqtandyrý týraly» Qazaqstan Respýblıkasynyń Zańynyń 11-babynyń 10-2 tarmaqshasyna sáıkes buıyramyn:
1. Áleýmettik medıtsınalyq saqtandyrý qorynyń kútpegen shyǵystardy jabýǵa arnalǵan rezerviniń mólsheri qorǵa aýdarymdar kóleminiń 3 paıyz mólsherinde belgilensin», - delingen «Ashyq» NQA portalynda jarııalanǵan qujatta.
Málim bolaǵandaı, buıryqtyń oryndalýyn baqylaý Densaýlyq saqtaý vıtse-mınıstrine júkteledi.
Buıryq jobasy 18 sáýirge deıin ashyq talqylaýda bolady.
Eske salaıyq, Májilistiń jalpy otyrysynda sóz sóılegen Memleket basshysy Qasym-Jomart Toqaev áleýmettik medıtsınalyq saqtandyrý júıesiniń tıimdiligin arttyrýdy tapsyrǵan bolatyn.
