Medıtsınalyq saqtandyrý qoryna sáýir aıynda 9,5 mlrd teńge tústi

NUR-SULTAN. QazAqparat - Bıylǵy sáýir aıynda Medıtsınalyq saqtandyrý qoryna aýdarylǵan jarna mólsheri 9,5 mlrd teńgege jetti, dep habarlaıdy «Áleýmettik medıtsınalyq saqtandyrý qory» KEAQ.

2017 jyldyń 1 shildesinen 2019 jyldyń 30 sáýirine deıingi aralyqta Qorǵa 167,2 mlrd teńge tústi. Aýdarymdardy júıe iske qosylǵan alǵashqy jarty jylda ózi úshin jarna tóleýge mindettelgen jeke kásipkerler men azamattyq-quqyqtyq kelisimshart negizinde eńbek etetin tulǵalar, sondaı-aq jumys berýshiler aýdarǵan.

Atap aıtqanda, jınaqtalǵan qarajattyń 94,8% nemese 158,5 mlrd teńgesi jumys berýshilerge, 5 protsentten astamy nemese 8,7 mlrd teńge - jeke kásipkerler men AQK negizinde eńbek etetin sanatqa tıesili.

Aımaqtyq turǵydan alǵanda, jarna tóleý jaǵynan burynǵysha Almaty, Nur-Sultan qalalary men Qaraǵandy oblysy kósh bastap tur.

Esterińizge sala ketsek, jınaqtalǵan qarjy Ulttyq bankte saqtalady jáne 2020 jyldan bastap MÁMS paketinde kórsetiletin medıtsınalyq qyzmetter aqysyn tóleýge jumsalmaq. Elimizdiń bas bankimen qarjyny senimgerik basqarý týraly kelisimshart bekitilgen.