Medıtsınalyq saqtandyrý qoryna almatylyqtardan 1 myńnan astam shaǵym tústi

ALMATY. QazAqparat – Jyl basynan beri Medıtsınalyq saqtandyrý qoryna almatylyqtardan 1 018 shaǵym tústi. Bul týraly qordyń Almaty qalalyq fılıalynyń dırektory Tileýhan Ábildaev málim etti, dep habarlaıdy QazAqparat tilshisi.
None
None

Onyń aıtýynsha, túsken ótinishtiń basym bóligi medıtsınalyq kómektiń sapasy men konsýltatsııalyq-dıagnostıkalyq qyzmetti kútý merziminiń uzaqtyǵyna, kómek kórsetýden bas tartý máselesine qatysty.

Shaǵymdar qordyń fms.kz resmı saıty, 1406 baılanys ortalyǵy, Qoldau 24/7 mobıldi qosymshasy arqyly túsken.

«Patsıentterdi qoldaý jáne ishki aýdıt qyzmeti bas dárigerge baǵynady. Onyń mindeti - qyzmet kórsetý sapasyn jaqsartý. Sol sebepti aýdıt qyzmeti medıtsınalyq kómektiń patsıentterge tolyqqandy ári sapaly kórsetilýin qamtamasyz etýge, kemshilikterdi anyqtap, der kezinde joıýǵa múddeli», - deıdi fılıal basshysy Tileýhan Ábildaev.

Ol qandaı jaǵdaıda patsıentterdi qoldaý qyzmetiniń kómegine júginýge bolatynyn da atap ótti. Mysaly, shuǵyl kómek kórsetý úshin saqtandyrylǵan statýsyn talap etse, saqtandyrylmaǵandyqtan ýchaskelik dárigerdiń qabyldaýyna jazýdan bas tartsa, emhanaǵa tıesili aýmaqta tursańyz da ýchaskelik dáriger úıge kelip qaraýǵa kelispese, salalyq mamannyń joqtyǵyna baılanysty nemese aldaǵy bir aıda oryn joq degen jeleýmen dárigerdiń qabyldaýyna jazbasa, tıisti dıagnostıkalyq tekserýler men zerthanalyq qyzmetterge joldama berilmese, dáriger qabyldaǵan kezde dórekilik tanytsa, medıtsınalyq kómektiń sapasy kóńilden shyqpasa, qoıylǵan dıagnoz ben taǵaıyndalǵan emniń durystyǵyna kúmándanǵan jaǵdaıda, medıtsınalyq derekterden qate ketse nemese kórsetilmegen qyzmet «kórsetildi» dep jazylsa, jalpy medıtsına qyzmetine kóńilińiz tolmasa jáne taǵy da basqa jaǵdaılarda ishki aýdıt qyzmetine júginýge bolady.


Сейчас читают