Medıtsınalyq saqtandyrý qoryna 122,47 mlrd teńge tústi
ASTANA. QazAqparat - 2018 jyldyń qarasha aıynda Medıtsınalyq saqtandyrý qoryna 8,64 mlrd teńgeden astam jarna tústi. Bul týraly Qordyń baspasóz qyzmetinen habarlandy.
Aqparatqa qaraǵanda, júıe iske qosylǵan 2017 jyldyń 1 shildesinen 2018 jyldyń 30 qarashasyna deıingi aralyqta jınaqtalǵan jarnanyń jalpy somasy 122,47 mlrd teńgege jetken.
Bunyń 113,83 mlrd teńgesi (shamamen 93%) jumys berýshilerdiń aýdarymdary bolsa, qalǵan 8,64 mlrd teńge (7%) - jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tıesili.
Aımaqtyq turǵydan alǵanda, jarna tóleý jaǵynan burynǵysha Almaty, Astana qalalary men Qaraǵandy oblysy kósh bastap tur.
Jınaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen.
