Medıtsınalyq saqtandyrý qory «shuǵyl jelini» iske qosty
ASTANA. QazAqparat - «Áleýmettik medıtsınalyq saqtandyrý qory» kommaertsııalyq emes aktsıonerlik qoǵamnyń «shuǵyl jelisi» iske qosyldy. Jeli qor qyzmetkerleri tarapynan jasalǵan jemqorlyq, alaıaqtyq, kemsitýshilik syndy ózge de zańbuzýshylyqtardyń aldyn alý maqsatynda ashyldy, dep habarlaıdy QazAqparat.
Baspasóz qyzmetiniń aqparatyna qaraǵanda, budan bylaı turǵyndar Qor qyzmetine qatysty zańbuzýshylyqtar jaıly +7-7172 647-111 telefony arqyly habarlaı alady.
Sonymen qatar, shaǵymdardy fmshotline@gmail.com elektrondy poshtasyna nemese 010000, Qazaqstan Respýblıkasy, Astana qalasy, D.Qonaev kóshesi, 14/3 (11-qabat) mekenjaıyna joldaýǵa bolady. Shaǵymdarǵa arnalǵan atalǵan baılanys arnalary 2017 jyldyń 26 jeltoqsanynan beri jumys istep tur.
«Búgingi kúnge deıin osy kanaldar boıynsha azamattardan 29 hat kelip túsken. Onyń basym bóligi (17 hat) jeke tulǵalar tarapynan jazylǵan. Hattardyń deni áleýmettik medıtsınalyq saqtandyrý tólemderine qatysty», - delingen habarlamada.
