Medıtsınalyq saqtandyrý qory saılaý komıssııasy músheleriniń PTR testileý shyǵyndaryn óteıdi

NUR-SULTAN. QazAqparat – Saılaý komıssııasy músheleri, baqylaýshylar jáne senimdi adamdardyń PTR testiden ótý shyǵynyn Áleýmettik medıtsınalyq saqtandyrý qory óteıdi. Bul týraly Ortalyq kommýnıkatsııalar ortalyǵynda ótken eldegi epıdemıologııalyq jaǵdaı týraly brıfıngide aıtyldy, dep habarlaıdy QazAqparat tilshisi.

«PTR testiden ótý Áleýmettik medıtsınalyq saqtandyrý qory qarjysy esebinen júzege asady. Saılaý komıssııasy músheleri, baqylaýshylar jáne senimdi adamdardy biz testten ótkizemiz jáneoǵan ketetin qarajat ÁMSQ arqyly óteledi. Saılaý ótetin jer adam kóp jınalatyn jáne daýys beretin jer bolǵandyqtan, búkil saılaý protsesiniń qaýipsizdigin qamtamasyz etý maqsatynda testileýdi tegin ótkizý týraly sheshim qabyldandy», - deıdi QR Densaýlyq saqtaý mınıstri Alekseı Tsoı.

Eske sala ketsek, Densaýlyq saqtaý mınıstri Memlekettik bas sanıtarlyq dáriger aldaǵy saılaýǵa baılanysty epıdemıologııalyq qaýipsizdikti qamtamasyz etý úshin Qaýly qabyldaǵanyn, Qaýly boıynsha saılaýshylarǵa qandaı talap qoıylatynyn aıtqan bolatyn.