Medıtsınalyq saqtandyrý qory basshylardyń syıaqysyna qatysty túsinik berdi
NUR-SULTAN. QazAqparat - Medıtsınalyq saqtandyrý qory basshylardyń syıaqysyna qatysty túsinik berdi, dep habarlaıdy QazAqparat Qordyń baspasóz qyzmetine silteme jasap.
Medıtsınalyq saqtandyrý qory 2019 jylǵy qarjylyq eseptilikte Basqarma Tóraǵasy men onyń orynbasarlary quramyndaǵy basqarýshy personalǵa syıaqy úshin tólengen 76 762 myń teńge somasyndaǵy shyǵystar kórsetilgenin habarlaıdy (4 adam).
Bul shyǵystarǵa 2019 jylǵy QR eńbek zańnamasyna sáıkes jalaqy, tólenetin demalys, syılyqaqy, eńbekke jaramsyzdyq tólemderi kiretini týraly aıta ketý kerek.
Bul rette tólengen syılyqaqylar QR Úkimetiniń 02.12.2014 jylǵy № 1266 qaýlysymen belgilengen mólsherden aspaıdy.
Áleýmettik medıtsınalyq saqtandyrý qory «Aktsıonerlik qoǵamdar týraly» Qazaqstan Respýblıkasy Zańynyń talaptaryna sáıkes ÁMSQ saıtynda jáne QR Qarjy mınıstrliginiń qarjylyq eseptilik depozıtarııiniń ınternet resýrsynda resmı jarııalanýǵa jatatyn qarjylyq eseptiliktiń mindetti aýdıtin júrgizetinin esterińizge salamyz.
