Medıtsınalyq saqtandyrý qory aqparattyq júıesin synaqtan ótkizip jatyr
Qaraǵandy oblysynda iske qosylǵan Mindetti áleýmettik medıtsınalyq saqtandyrýdyń (MÁMS) pılottyq jobasy aıasynda «Áleýmettik medıtsınalyq saqtandyrý qory» KEAQ-nyń tól jobasy - «Saqtandyrý» aqparattyq júıesi synaqtan ótkiziledi.
«MÁMS jaǵdaıynda medıtsınalyq kómekke júgingende aldymen medıtsınalyq qyzmetti tutynýshynyń mártebesin anyqtap alý mańyzdy. Emhananyń nemese aýrýhananyń medıtsınalyq aqparattyq júıesi «Saqtandyrý» AJ-nen tutynýshynyń saqtandyrylǵany nemese saqtandyrylmaǵany jaıly málimetterdi suratady. Soǵan qaraı kómek kepildendirilgen tegin medıtsınalyq qyzmetterdiń esebinen, ne bolmasa, keńeıtilgen saqtandyrý paketi esebinen tólenedi.
Patsıentter úshin qosymsha qıyndyqtar týyndamaıdy, olar burynǵydaı jeke basyn kýálandyratyn qujatty kórsetýi tıis. Ári qaraı medıtsınalyq aqparattyq júıe barlyq qajetti áreketterdi ózdiginen júzege asyrady», delingen habarlamada.
Qaraǵandy oblysynda 1,4 mıllıon turǵynnyń ishinde 549 myń adam - resmı túrde jumys isteıdi. Olar úshin jumys berýshiler jarna tóleıdi. Budan bólek, 2,5 myń adam biryńǵaı jıyntyq tólemin aýdaryp otyrady. Olar úshin jumys berýshiler jarna tóleıdi. Pılottyq jobada olar 2020 jyldan bastap jarnasyn memleket tólep beretin áleýmettik qorǵalmaǵan azamattarmen qatar saqtandyrylǵan adamnyń mártebesin alady.
«Saqtandyrý» aqparattyq júıesi pılottyq rejimde synaqtan ótip, aqparattyq qaýipsizdik jaǵy tekserilgennen keıin óndiristik paıdalanýǵa beriletin bolady. Al ony tolyǵymen iske qosý úshin birqatar memlekettik organǵa qarasty 10 aqparattyq júıemen ıntegratsııalaý qajet. Olardyń ishinde QR Densaýlyq saqtaý mınıstrligi, Eńbek jáne áleýmettik damý mınıstrligi, «Azamattarǵa arnalǵan úkimet» memlekettik korporatsııasy jáne t.b. bar.
Qaraǵandy oblysynyń medıtsınalyq uıymdaryn tıisti deńgeıde tsıfrlandyrýdan ótkizbegende «Saqtandyry» AJ-syn synaqtan ótkizý múmkin bolmaıtyn edi. Óńirde qordyń tegin medıtsınalyq kómek kórsetetin 118 medıtsınalyq uıymy bar. Medıtsınalyq qujattama tek sandyq formatta júrgiziledi. Halyqty tirkeý regıstrinde bekitilgen oblystyń árbir turǵyny jeke elektrondyq densaýlyq pasportymen qamtamasyz etilgen. Pasporttar patsıentterdi elektrondyq formatta baqylaý jáne emdeý barysyn qadaǵalaýǵa múmkindik beredi.
Eske sala ketsek, atalmysh qory jeke baılanys ortalyǵyn iske qosty. Budan bylaı turǵyndar saqtandyrý máselelerine qatysty saýaldaryn 1406 nómirine joldaı alady. https://kaz.inform.kz/news/medicinalyk-saktandyru-kory-zheke-baylanys-ortalygyn-iske-kosty_a3562010
