Medıtsınalyq saqtandyrý engizilgennen keıin memlekettik tapsyrys ósedi - mınıstr
«Memleket densaýlyq saqtaý salasyna ıaǵnı, halyqqa kórsetiletin tegin medıtsınalyq qyzmetterge jyl saıyn bir trıllıon teńgege jýyq qarjy bólinedi. 2017 jyly salaǵa jalpy memleket pen azamattardyń jeke shyǵyndaryn qosqanda 1 trln 759 mlrd teńge shyǵyn jumsalǵan. Onyń 40 protsenti nemese 550 mlrd teńgesi - halyqtyń «qaltasynan» shyqqan qarajat. ıAǵnı, azamattardyń jeke shyǵyndary 2010 jylmen salystyrǵanda 3 ese artqan. Keler jyldan bastap engiziletin saqtandyrý júıesi osy shyǵyndardyń ósý qarqynyn tómendetýge kómektesedi», - dedi mınıstr.
Onyń aıtýynsha, saqtandyrý arqyly ómir boıy qarjy tapshylyǵynyń zardabyn tartyp kele jatqan konsýltatıvtik-dıagnostıkalyq qyzmetterdi qarjylandyrý deńgeıi úsh ese artady.
«Mysaly, biz qazir salalyq mamannyń konsýltatsııasyna 700 teńge tóleımiz, al, naryqta onyń quny shamamen 5-6 myń teńge turady. Memlekettik emdeý mekemelerinde bilikti mamandardyń turaqtamaý sebebi osynda. Al, saqtandyrý júıesi ise qosylǵannan keıin tarıfterdi 15 protsentke ósirýge múmkindik týady», - dedi Eljan Birtanov saladaǵy reformalardy talqylaýǵa arnalǵan jıynda.
Mınıstrdiń túsindirýinshe, biraq bul medıtsınalyq qyzmet baǵasy qymbattaıdy degen sóz emes. Tarıf tek memleket pen emdeý mekemeleriniń arasyndaǵy protsedýra.
Sonymen qatar, baǵasy qymbat bolyp keletin qyzmetterdiń kólemi de artpaq.
«Qazir biz memlekettik tapsyrys sheńberinde jasalatyn operatsııalarǵa belgili bir shekteý qoıýǵa májbúrmiz. Lımıtten artyq otaǵa aqsha tóleı almaımyz. Al, medıtsınalyq saqtandyrý engizilgennen keıin memlekettik tapsyrysty ósiremiz», - dep atap ótti mınıstr.