Medıtsınalyq poıyzdar shalǵaı stansalardaǵy 6 myńnan astam turǵynǵa qyzmet kórsetti

ASTANA. QazAqparat - «Densaýlyq» jáne «Salamatty Qazaqstan» medıtsınalyq poıyzdarynyń dárigerleri Qaraǵandy, Mańǵystaý oblystarynyń 30-dan astam stansalaryn bardy, dep habarlaıdy «Qazaqstan temir joly» UK» AQ baspasóz qyzmeti.

Kompanııanyń korporatıvtik qorynyń dırektory Erbol Keńgirbaevtyń aıtýynsha, turǵyndary tegin joǵary dárejeli bilikti medıtsınalyq qyzmetti aldy. Onyń ishinde kásibı dárigerlik kómek kórsetilip, qıyndyq týǵyzatyn syrqattarǵa  jaqyn mańdaǵy medıtsınalyq orynǵa joldama berilgeni.

«Densaýlyq» poıyzynyń dárigerleri Beıneý stantsııasynyń turǵyndarymen birge osy óńirdegi áskerı bólimshedegilerdiń de densaýlyǵyn da teksergen.  

Poıyz saparǵa shyqqaly beri Qaraǵandy men Mańǵystaý oblystarynyń 6,5 myń adamyn tekserýden ótkizgen. Jalpy dárigerler 31 myń adamdy qarady. 33 myńnan astam dıagnostıkalyq baqylaý jasalsa, 133 ambýlatorııalyq shaǵyn otashylyq qyzmeti kórsetildi. Turǵyndarǵa tis dárigerleriniń járdemi kórsetildi.

Aıta keterligi, «Salamatty Qazaqstan» medıtsınalyq poıyzy Qaraǵandydan 11 sáýirde saparǵa shyqqan bolatyn. Ol bıylǵy qarashanyń 6-syna deıin elimizdiń ortalyq, soltústik, shyǵys óńirlerin qamtıdy.

Almaty-1 stansasynan  18 sáýirde saparǵa shyqqan «Densaýlyq» poıyzy Qazaqstannyń ońtústik jáne batys óńirlerine qyzmet kórsetedi. Bul poıyz quramy bıylǵy jeltoqsannyń 20-syna deıin júretin bolady.