«Medıtsınalyq poıyzdar» mamandary 394 myń aýrýdy tirkedi
ASTANA. QazAqparat - 2016 jyldan bastap «Medıtsınalyq poıyzdar» keń aýqymdy áleýmettik jobasy iske qosyldy, onyń aıasynda shalǵaı jatqan eldi mekenderdiń turǵyndary tegin tekserilip, joǵary bilikti mamandardan (terapevt, stomatolog, oftalmolog, lor, hırýrg, ýrolog, mammolog, pedıatr) em qabyldaýda.
Poıyz zamanaýı dıagnostıkalyq jáne emdeý qurylǵylarymen (ÝDZ, flıýorografııalyq qurylǵymen jáne t.b.), shaǵyn-operatsııalyq, zerthanalyq, baılanys quraldarymen jáne telemedıtsına konferentsııalaryn ótkizý úshin - Internetke qosylý múmkindigimen jabdyqtalǵan.
Medıtsınalyq poıyzdar medıtsınalyq kabınetteri múldem joq óńirlerdi qamtıdy.
2017 jyly «Densaýlyq» jáne «Salamatty Qazaqstan» medıtsınalyq poıyzdary óz jumystaryn bastady:11 sáýirden 6 qarashaǵa deıin «Salamatty Qazaqstan» poıyzy ortalyq, soltústik, shyǵys jáne batys óńirlerde medıtsınalyq kómek kórsetetin bolady. Al 18 sáýirden 20 jeltoqsanǵa deıin «Densaýlyq» poıyzy ońtústik jáne batys óńirlerdi qamtıdy.
2010-2016 jyldar aralyǵynda medıtsınalyq poıyzdar 1 052 shalǵaı jatqan stantsııalardy qamtyp, 299 myń turǵyndy, sonyń ishinde 71,5 myń balany tekserýden ótkizdi.
1,5 mıllıon dıagnostıkalyq emdeý sharalary, 4 myń kishi ambýlatorlyq ota jasalyp, 19 telemedıtsınalyq konsýltatsııa uıymdastyryldy. Mammologtar 44 myń áıeldi qarap, 73 myń turǵynǵa stomatologııalyq kómek kórsetildi. Poıyzdardaǵy mamandardyń tıimdi jumystarynyń nátıjesinde 394 myń aýrý tirkeldi.
