Medıtsınalyq oqý oryndarynyń 80% qural-jabdyǵy tozǵan – mınıstrlik

ASTANA. QazAqparat – Elimizde halyqaralyq standartqa saı sertıfıkattaýdan ótken synaq zerthanalarynyń bolmaýy ónimniń eksportyna keri áserin tıgizip otyr. «Ashyq» NQA portalynda jarııalanǵan «Ǵylym jáne tehnologııalyq saıasat týraly» QR Zańynyń jobasyna arnalǵan retteý saıasatynyń konsýltatıvtik qujatynda osylaı jazylǵan, dep habarlaıdy QazAqparat tilshisi.

«Medıtsınalyq joǵary oqý oryndarynyń qural-jabdyqtarynyń 80%-y tozǵan. Sondyqtan bul zerthanalardy qaıta jaraqtandyrý máselesi aıryqsha mańyzdy. Sondaı-aq ǵylymı-zertteý jumystaryn júrgizý úshin materıal jınaý ornynda, basqa óńirlik joǵary oqý oryndarynda da osyndaı molekýlalyq-genetıkalyq zerthanalar qurý qajet. Zerthanalardy jaraqtandyrý úshin molekýlıarlyq-genetıkalyq zertteýlerge arnalǵan qural-jabdyqtar bolýy kerek jáne medıtsınalyq joǵary oqý oryndarynyń bazasynda bıobankterdi qurý asa mańyzdy. Kóptegen zerthanalar synama jumystary kezinde jabdyqty tek bir ret tutyný úshin satyp alady, keıin jabdyq jumys istemeıdi», - dep másele jazylǵan qujatta.

Mınıstrlik dereginshe, sonymen birge halyqaralyq standartqa saı sertıfıkattaýdan ótken synaq zerthanalarynyń bolmaýy - ónimniń eksportyna keri áserin tıgizip otyr. Máseleniń sheshimi retinde vedomstvo tıisti ınfraqurylymy jáne bilikti qyzmetkerleri bar kásibı mamandandyrylǵan ortalyqtar qurýdy usynyp otyr

Konsýltatıvtik qujat 30 naýryzǵa deıin kópshilik talqylaýda bolady.