Medıtsınalyq mobıldi toptardyń atqaratyn jumysy qandaı
ALMATY. QazAqparat – «Jas qanat» bastapqy medıtsınalyq-sanıtarlyq kómek ortalyǵynyń» jalpy tájirıbe dárigeri Merýert Kóshenova onlaın brıfıng barysynda medıtsınalyq mobıldi toptardyń mindeti jaıly aıtyp berdi, dep habarlaıdy QazAqparat tilshisi.
QR Densaýlyq saqtaý mınıstrliginiń buıryǵymen eldegi barlyq emhanada mobıldi top quryldy.
«Mobıldi toptardyń negizgi mindeti – respıratorlyq aýrýy bar naýqastardy, pnevmonııa jáne koronavırýs ınfektsııasyna kúdikti naýqastarǵa qyzmet kórsetý. Mobıldi toptyń quramynda ýchaskelik dáriger, akýsher, feldsher, áleýmettik qyzmetkerler bar. Bir epıdemıologııalyq jaǵdaıǵa baılanysty 5 myń turǵynǵa 1 mobıldi top qurylady. Bizdiń emhanamyzda 27 myńdaı naýqas tirkelgen. Sondyqtan 5 mobıldi top qurylǵan. Olar naýqasty qashyqtan qabyldap, em júrgizedi. Sonymen qatar, qajettiligine qatysty tegin dárilermen qamtamasyz etedi. Qajet bolǵan jaǵdaıda PTR testileýge taǵaıyndaıdy. Odan bólek, naýqasta aýrýdyń aýyr ótýine baılanysty tegin kompıýterlik tomografııaǵa jiberiledi», – deıdi Merýert Kóshenova.
Sonymen qatar, ol mobıldi toptar naýqas úı jaǵdaıynda qanshalyqty oqshaýlana alatynyna mán beretinin atap ótti. Eger naýqastyń oqshaýlanýǵa jaǵdaıy bolmasa, ınfektsııalyq statsıonarǵa jiberiledi. Naýqastyń jaǵdaıy jeńil dárejeli jáne úı karantınin saqtaýǵa qolaıly bolsa, úıinde em qabyldaı beredi.
