Medıtsınalyq mekemelerge sertıfıkattar tabystaldy
ASTANA. QazAqparat - QR Densaýlyq saqtaý jáne áleýmettik damý mınıstrliginde Qazaqstan Respýblıkasynyń Tuńǵysh Prezıdenti kúnin merekeleý aıasynda memlekettik Tıisti óndiristik praktıka (GMP) jáne Tıisti dıstrıbıýtorlyq praktıka (CDP) standarttaryna sáıkestik sertıfıkattaryn saltanatty túrde tabystaý sharasy ótti.
Elimizdiń farmatsevtıkalyq salasynyń strategııalyq maqsattarynyń biri - daıyn ónim sapasyn baqylaý júıesinen onyń sapasyn qamtamasyz etý júıesine kóshý. Buǵan halyqaralyq tıisti farmatsevtıkalyq praktıka standarttaryn engizý jolymen jetýge bolady.Tıisti farmatsevtıkalyq praktıka standarttary ázirleýden bastap tutynýshynyń paıdalanýyna deıingi farmatsevtıkalyq ónimniń búkil tsıkli boıynda farmatsetıkalyq naryq ónimderine, úrdisterine, farmatsevtıkalyq qyzmet kórsetýlerge, qatysýshylarǵa talaptar qoıady.
Óndirýshiler men dıstrıbıýtorlardyń osy standarttardy saqtaýy halyqty sapaly, qaýipsiz, tıimdi dárilik zatttarmen qamtamasyz etýdiń kepili bolyp tabylady. GMP standartyn óz kásiporyndaryna engizgen qazaqstandyq óndirýshiler sany jyl saıyn ósip keledi. Búgin GMP standartyna sáıkestik týraly qorytyndysy bar qoldanystaǵy 3 óndiristik ýchaskelerdiń qataryna taǵy da 4 qazaqstandyq óndirýshi qosyldy. Qazirgi ýaqytta GMP talaptaryna sáıkestikke ınspektsııalanýǵa taǵy 7 otandyq kásiporyn daıyndyq ústinde.
Dárilik zattardy, medıtsınalyq maqsattaǵy buıymdar men medıtsına tehnıkasynynyń kóterme saýda qoımalary da, sondaı-aq dárihanalar da belsendi túrde jańǵyrtylýda. Kóterme saýda býynynyń 15 obektisi GDP standartyna; 15 bólshek saýdada ótkizý obektisi GPP standartynyń talaptaryna saı keledi.
Biryńǵaı dıstrıbıýtor men GMP standarttaryn engizgen jáne engizýdi josparlaıtyn otandyq óndirýshiler arasynda Uzaq merzimdi sharttar bekitý dárilik zattardy memlekettik satyp alý kezinde qazaqstandyq mazmundy aıtarlyqtaı arttyrýǵa múmkindik beredi. Bul shara otandyq ónerkásipti damytýdy ońtaılandyrýǵa, GMP erejelerin engizýdi yntalandyra otyryp, shyǵarylatyn medıtsınalyq ónim sapasyn kóterýge múmkindik beredi. Qazaqstanda farmatsevtıkalyq ónerkásipti memlekettik qoldaý sharalary sheteldik ınvestorlar úshin farmatsevtıkalyq naryqty tartymdy etedi.
Qazirde 5 iri qazaqstandyq farmkásiporynǵa sheteldik kompanııalar ınvestıtsııa saldy. 2014 jylǵy maýsymda qabyldanǵan «Qazaqstan Respýblıkasynyń keıbir zańnamalyq aktilerine ınvestıtsııalyq ahýaldy jetildirý máseleleri boıynsha ózgerister men tolyqtyrýlar engizý týraly» zań farmatsevtıkalyq sektordaǵy ınvestorlardyń qyzmetin aıtarlyqtaı jandandyrýy tıis.
