Medıtsınalyq mekemelerdegi tósek qoryn paıdalaný tıimdiligi artty
ASTANA. Qazannyń 19-y. QazAqparat - Bıyl elimizde Biryńǵaı ulttyq densaýlyq saqtaý júıesi engizilgennen bergi 9 aıdyń ishinde medıtsınalyq mekemelerdegi tósek qoryn paıdalaný tıimdiligi artty. Bul týraly Densaýlyq saqtaý mınıstrliginiń baspasóz qyzmetinen habarlady.
Baspasóz qyzmetiniń málimetinshe, qaıta qurylymdaý turyp qalǵan tósek-oryndar sanyn azaıtýǵa jáne barynsha talap etiletin tósekterge degen qajettilikti ulǵaıtýǵa múmkindik berdi. 9 aıdyń qorytyndysy boıynsha 2 myń 128 tósek-oryn qysqartylyp, 1 myń 954-i qaıta beıindeldi, talap etilmeıtin tósek-oryndardyń sany 18,5 paıyzdan 6 paıyzǵa deıin qysqardy.
«2010 jyly ǵylymı zertteý ınstıtýttary, ǵylymı ortalyqtar men respýblıkalyq klınıkalar 43 jańa halyqaralyq tehnologııalardy engizdi jáne respýblıkanyń óńirlerine 37 transfertti júzege asyrdy. Qazirgi tańda óńirler neırohırýrgııa, kardıohırýrgııa, otolarıngologııa, travmatologııa, onkologııa, EKO boıynsha qyzmetter usynady», delingen taratylǵan habarlamada.
Baspasóz qyzmetiniń málimetinshe, respýblıka óńirleri statsıonardy almastyratyn tehnologııalardy damytý boıynsha qarqyn aldy. 2010 jylǵy qyrkúıektiń 1-inen bastap respýblıka stantsıonarlaryna kardıologııalyq, nevrologııalyq, travmatologııalyq patologııalary bar 28,5 myńnan astam patsıent, onyń ishinde 34 paıyzy aýyldyq jerdegi patsıentter, úshin qalpyna keltire emdeý jáne medıtsınalyq ońaltý boıynsha 2 mlrd. teńge somasyna qyzmetter engizildi. Túpkilikti nátıjelerge qaraı medıtsına qyzmetkerlerine saralanǵan aqy tóleý júıesi engizilip, ol oń nátıjeler bere bastady.
«Azamattardyń medıtsınalyq uıymdy erkin tańdaýǵa quqyqtaryn iske asyrýda elde shildeniń 1-inen bastap Josparly emdeýge jatqyzý portaly jumys isteıdi. Búgingi tańda Josparly emdeýge jatqyzý bıýrosyna 396,7 myń joldama tirkelgen, onyń 35,1 paıyzy aýyl turǵyndary bolyp tabylady», delingen habarlamada.
Sondaı-aq habarlamada júrgizilgen reforma densaýlyq saqtaý salasyndaǵy eńbektiń ónimdiligin arttyrýǵa yqpal etkeni, bul túpkilikti nátıjeleler - halyq densaýlyǵynyń kórsetkishterinde oń kórsetilgeni aıtylǵan.
