Medıtsınalyq mekemedegi bas dárigerlerdi basqarma músheleri taǵaıyndaıtyn bolady
«Eger korporatıvtik basqarý qaǵıdattaryna keletin bolsaq, onda aýdandyq deńgeıdegi uıymdar biryńǵaı medıtsınalyq ortalyqqa biriktiriletin bolady. Olardy basqarma organdary basqarady. Basqarma organdarynyń músheleri atalǵan mekemeniń ıesimen nemese aýdan jáne qala ákimderiniń usynýymen konkýrstyq negizde qalyptasady. Qazirgi kúni aýdandar men qalalarda ákimder medıtsına mekemelerinde bas dárigerlerdi taǵaıyndap kelse, endi ony basqarma músheleri taǵaıyndamaq», - dedi T. Dúısenova. Mınıstrdiń aıtýynsha, basqarma jyldyq operatsııalyq josparlardy bekitip, shtattyq kesteni, eńbekaqy tóleý júıesin, satyp alýlar josparyn bekitedi. Al oblystyq jáne qalalyq medıtsına mekemelerinde baqylaý keńesi bar basqarmalar qurylady, onyń músheleriniń úshten biri táýelsiz sarapshylardan turady.
«Biz qalalyq jáne oblystyq ortalyqtar deńgeıinde bul úderisterdi ıirip áketetin kreatıvti menedjerler tabylady dep esepteımiz. ıAǵnı, sheshimderdiń barlyǵy jeke sektordan tartylǵan menedjerlerdiń pikiri eskerile otyryp qabyldanady. Al oblystyq, respýblıkalyq ortalyqtarǵa kelsek, ol mekemelerde basqarmalar baqylaý keńesterimen birge qurylady jáne múshelerdiń úshten ekisi táýelsiz sarapshylardan turady», - dedi T. Dúısenova.