Medıtsınalyq maska satyp almaq bolǵan óskemendik alaıaqqa aldanyp qaldy
ÓSKEMEN. QazAqparat – Óskemen qalasynyń turǵyny medıtsınalyq maska satatyn alaıaqtardyń arbaýyna túsken, dep habarlaıdy QazAqparat.
ShQO Polıtsııa departamenti baspasóz qyzmetiniń málimetine súıensek, 23 jastaǵy qala turǵyny tanymal saıttardyń birinen medıtsınalyq maska satylatyndyǵy týraly jarnamany baıqap qalǵan. Buǵan sengen ol alaıaqtardyń shotyna 14 myń teńge aýdaryp jiberipti.
«Jábirlenýshi polıtsııaǵa tek birneshe kún ótkennen keıin habarlasqan. Qazirgi ýaqytta tártip saqshylary atalǵan fakti boıynsha QR Qylmystyq Kodeksiniń 190-baby 2-bóligimen (Alaıaqtyq) sotqa deıingi tergeý amaldary bastaldy. Alaıaqtardy qolǵa túsirý úshin jedel-izdestirý sharalary júrgizilýde», - dep habarlady vedomstvo ókilderi.
Osy rette, polıtsııa qyzmetkerleri azamattardy barynsha abaı bolýǵa jáne ınternettegi kúmándi jarnama berýshilerge aqsha aýdarmaýǵa shaqyryp, koronavırýske baılanysty elde tótenshe jaǵdaıdyń engizilýine oraı alaıaqtardyń túrli amal-tásilderi kóbeıetindigin eskertti.
