Medıtsınalyq maska men antıseptıkti qaıdan satyp alýǵa bolady
NUR-SULTAN. QazAqparat – Nur-Sultan qalasy Taýarlar men qyzmetter qaýipsizdigi jáne sapasyn baqylaý departamentiniń basshysy Zeken Isakov maska men vırýsqa qarsy dári-dármekterdi qaıdan satyp alýǵa bolatyny týraly aıtty, dep habarlaıdy QazAqparat tilshisi.
«Myna uıymdarda vırýsqa qarsy dári-dármekter men medıtsınalyq maskalar bar: «Іńkár» JShS, «Aqnıet» JShS, «Naýza Adel» JShS, «Salamat», «EvroFarma», «AlfaMed», - deıdi Zeken Isakov onlaın-brıfıng barysynda.
Ol koronavırýstyń taralý qaýpin azaıtý maqsatynda elorda ákimdigi men Qorǵanys mınıstrligi jáne dezınfektsııa jasaıtyn uıymdarmen birlesip, qoǵamdyq oryndarǵa kúndelikti zalalsyzdandyrý jumystaryn júrgizip jatqandaryn aıtty.
«Qoǵamdyq oryndardy dezınfektsııalaýǵa 220-dan astam adam tartyldy. Sanıtarlyq-dezınfektsııalyq jumystar áleýmettik mańyzy bar, densaýlyq saqtaý salasyna qatysty nysandar, Saýda oıyn-saýyq ortalyqtary, Temir jol vokzaldary, teatrlar sııaqty 50 nysanǵa jasalýda», - deıdi ol.
