Medıtsınalyq qyzmetkerler atynan Memleket basshysyna alǵys aıtamyn – Birtanov
NUR-SULTAN. QazAqparat – Medıtsınalyq qyzmetker aýyryp qalsa - arnaıy áleýmettik saqtandyrý qorynan 2 mln teńge, al qaıtys bolǵan jaǵdaıda - 10 mln teńge bólinedi. Bul týraly eldegi koronavırýs ınfektsııasy boıynsha aǵymdaǵy jaǵdaı jaıly onlaın brıfıngte aıtyldy, dep habarlaıdy QazAqparat tilshisi.
«Koronavırýs óte qaýipti juqpaly aýrý bolǵandyqtan medıtsınalyq qyzmetkerler de juqtyrýy múmkin. Osy máseleni qarastyra otyryp, medıtsınalyq qyzmetker aýyryp qalsa arnaıy áleýmettik saqtandyrý qorynan 2 mln teńge, al qaıtys bolǵan jaǵdaıda 10 mln teńge bólinedi. Bul sharalar óte mańyzdy, sebebi dárigerlerimiz kúndiz-túni úıine barmaı, jumys isteýde. Bul - Memleket basshysy tarapynan úlken qoldaý, sol sebepti medıtsınalyq qyzmetkerler atynan alǵys aıtamyn», - deıdi QR Densaýlyq saqtaý mınıstri Eljan Birtanov.
