Medıtsınalyq qyzmet tolyq kólemde kórsetilmeı otyr - Toqaev
«Elimizdiń basty qundylyǵy – Adam. Bul – aıqyn nárse. Sondyqtan, ulttyq baılyqty teń bólý jáne barshaǵa birdeı múmkindik berý – reformanyń basty maqsaty. Ult saýlyǵy jaqsy bolsa ǵana, qoǵam ornyqty damıdy. Densaýlyq saqtaý salasynda biraz reforma júrgizildi.
Degenmen, onyń jaǵdaıy áli de máz emes. Árıne, jyldar boıy qordalanǵan túıtkilder bir mezette sheshilmeıdi. Sondyqtan, asa mańyzdy máselelerdi retke keltirýge basa mán bergen jón. Sonyń biri – qarjylandyrý júıesi. Osy salaǵa qarjynyń jetkilikti bólinbeýi qalypty jaǵdaıǵa aınalǵan. Sonyń kesirinen, jurt saqtandyrý júıesine qosylsa da, medıtsınalyq qyzmet tolyq kólemde kórsetilmeı otyr. Búginde medıtsınalyq kómek memleket kepildik bergen jáne saqtandyrý paketi dep ekige bólingen. Ashyǵyn aıtsaq, mundaı júıeniń tıimdiligi tómen», -dedi Prezıdent.
