Medıtsınalyq kómektiń qaı túrin tegin ári saqtandyrýsyz alýǵa bolady
«Tegin medıtsınalyq kómektiń kepildendirilgen kólemine (TMKKK) bólinetin bıýdjet qarajatynyń jyl saıyn ósip otyrǵanyna qaramastan, zertteý jumystary sońǵy 5 jylda halyqtyń densaýlyqqa jumsaıtyn shyǵyny artyp kele jatqanyn kórsetip otyr. 2017 jyly TMKKK baǵytynda 626 mlrd teńge bólingen bolatyn. Halyqtyń densaýlyǵyna óz qaltasynan jumsaǵan shyǵyny densaýlyq saqtaý salasynyń jalpy shyǵynynyń 41 paıyzyn qurap otyr. Buǵan eń aldymen TMKKK-nyń jetkilikti dárejede qarjylandyrylmaýy sebep boldy», - deıdi vıtse-mınıstr Densaýlyq saqtaý mınıstrliginde ótken jıynda.
Onyń aıtýynsha, alǵashqy medıko-sanıtarlyq kómek TMKKK aıasynda kórsetiledi. Oǵan barlyq azamattar úshin negizgi medıtsınalyq qyzmetter, maqsatty skrınıng, júkti áıelderdi baqylaý, balalarǵa qamqorlyq jasaý, sozylmaly jáne áleýmettik mańyzdy aýrýlary bar adamdardy jiti baqylaý jumystary enedi.
«Bul ózgeris - burynǵy zańnamadaǵy negizgi aıyrmashylyqtardyń biri. Burynǵy zańnamada TMKKK saqtandyrý paketinde qarastyrylyp kelgen bolatyn. Osylaısha, TMKKK saqtandyrylǵany nemese saqtandyrylmaǵanyna qaramastan barlyq adamǵa tegin beriledi», - dedi Lázzat Aqtaeva.
Vıtse-mınıstrdiń aıtýyna qaraǵanda, TMKKK sheńberinde konsýltatıvtik-dıagnostıkalyq kómek birqatar qyzmetterdi qamtıdy. Atap aıtqanda, oǵan dınamıkalyq baqylaýǵa nemese áleýmettik mańyzy qatań baqylanatyn aýrýlarǵa ushyraǵan aýrýdyń dıagnozyn qoıý, alǵashqy medıtsınalyq-sanıtarlyq kómek deńgeıinde jáne áleýmettik mańyzy bar aýrýlardy emdeýde sozylmaly aýrýlary bar naýqastarǵa keńes berý, halyqtyń áleýmettik osal toptary úshin qymbat turatyn qyzmetteri (júkti áıelderdi molekýlıarlyq-genetıkalyq zertteý, tuqym qýalaýshylyq jáne jetim balalar aýrýlarynyń dıagnostıkasy) enedi.
