Medıtsınalyq qaldyqtardyń ýtılızatsııasyn zańsyz júrgizgen ShQO kompanııalary tekseriledi

ÓSKEMEN. QazAqparat – Shyǵys Qazaqstan oblysynda medıtsınalyq qaldyqtardy joıýda zańsyzdyqqa jol bergen kompanııalarǵa qatysty faktilerdi polıtsııa tekserip jatyr, dep habarlaıdy QazAqparat tilshisi.

ShQO Ekologııa departamentiniń málimetine súıensek, medıtsınalyq qaldyqtardy ýtılızatsııalaýdy zańsyz júrgizgender anyqtaldy. Al talapqa sáıkes joıylmaǵan mundaı qaldyqtar ınfektsııa kózine aınalýy ábden múmkin.

«Medıtsınalyq qaldyqtardy arnaıy uıymdar ýtılızatsııalaý kerek. Óńir boıynsha osyndaı qyzmet kórsetetin kásiporyndar bar. Alaıda keıbir kompanııalar aqsha únemdeý úshin olarǵa emes, medıtsınalyq qaldyqtardy shyǵaratyn arnaıy qondyrǵylary joq kásiporyndarǵa júginip jatyr. Qaldyqtardy kádimgi qoqys retinde órtep jiberý faktileri de anyqtaldy», - deıdi departament basshysy Danııar Álıev.

Onyń aıtýynsha, qazirgi ýaqytta barlyq materıaldar tergeý amaldary júrgizilýi úshin polıtsııaǵa tapsyrylǵan.