Medıtsınalyq bilim alǵandardyń 40 paıyzy óz mamandyqtarymen jumysqa ornalaspaıdy - vıtse-mınıstr
ASTANA. 4 jeltoqsan. QazAqparat - Búgin Qazaqstan Respýblıkasy Parlamenti Májilisiniń Áleýmettik-mádenı damý komıtetiniń tóraıymy Darıǵa Nazarbaevanyń jetekshiligimen komıtet otyrysy ótkizildi.
Onda Densaýlyq saqtaý salasynyń kadrlyq resýrstaryn damytýdyń 2012-2020 jyldarǵa arnalǵan tujyrymdamasynyń jobasy jóninde, sondaı-aq Qazaqstan Respýblıkasynda densaýlyq saqtaý uıymdary úshin medıtsınalyq tehnıkany josparlaý jáne satyp alý tujyrymdamasynyń jobasy jónindegi máseleler qaraldy.
Densaýlyq saqtaý vıtse-mınıstri Erik Baıjúnisovtyń aıtýynsha, densaýlyqty saqtaý salasynda densaýlyq saqtaýdyń kásibı menedjerleri ınstıtýtyn kezeńdi engizý júrgizilýde. Birinshi kezeńde ótkiziletin reformalarmen kemshilikterge baılanysty anyqtalǵan negizgi basqarý quzyrlar boıynsha dárigerlik uıymdardyń jumys isteıtin jetekshileriniń mamandyǵyn jetildirý jáne qaıta daıarlaýy bolyp tabylady. «Dárigerlik uıymdaǵy basqarý jáne klınıkalyq qyzmetiniń aralyǵynda ókilettikterdiń birtindep shekteýi josparlanady jáne basqarýshy kadrlardy ázirleý, ıaǵnı ár túrli deńgeıdiń kásibı menedjerler daıarlaý bolady. Olardyń bilimi dárigerlik nemese dárigerlik emes bola alady, biraq barlyq qajetti quzyrlarǵa ıe bolýy kerek», - deıdi vıtse-mınıstr. Onyń sózine qaraǵanda, jumysqa ornalastyrý, kadrlardy ustap turý tetikteri, qyzmetkerdi yntalandyrý sharalary qabyldanýda. Máselen, aýyldyq medıtsınalyq uıymdardaǵy JOO aıaqtaǵannan keıin 3 jyldyń ishinde mindetti jumyspen óteýi bar medıtsınalyq oqý oryndaryna túsetin aýyl jastary úshin 2007 jyldan bastap memlekettik bilim berý grantynyń sheńberinde jyl saıyn 30% kvota bólinedi.
«Jalpy Qazaqstanda 7 JOO dárigerlik mamandyqqa kadrlar daıarlaıdy. Degenmen, Densaýlyq saqtaý mınıstrliginiń málimeti boıynsha, medıtsınalyq bilim alǵandardyń 40 paıyzy óz mamandyqtarymen jumysqa ornalaspaıdy. Sonyń áserinen elde 5200 dáriger jetispeıdi», - dedi vıtse-mınıstr.
