Medıtsınalyq anyqtamany qymbattatqan týbdıspanser basshylyǵy jaýapkershilikke tartyldy
Mundaı zańbuzýshylyqty qalalyq prokýratýra anyqtaǵan.
«Júrgizilgen monıtorıng kórsetkendeı, atalǵan mekeme kórsetilgen memlekettik qyzmettiń ózindik qunyn anyqtaý kezinde dárigerlerdiń eńbekaqysyn, salyqtar men basqa da shyǵyndardy negizsiz esepke alǵan», - dedi prokýratýranyń baspasóz qyzmeti.
Prokýratýranyń aralasýynan keıin aýdanaralyq Týberkýlezge qarsy kúres dıspanseriniń azamattarǵa beretin medıtsınalyq anyqtamalardyń quny eki esege tómendedi.
«Prokýrorlyq qadaǵalaý aktisin qaraý nátıjeleri boıynsha memlekettik qyzmettiń quny 500 teńgeden 250 teńgege deıin tómendetildi», - dedi baspasóz qyzmetinen.
Tekserýden soń mekeme basshylyǵy tártiptik jaýapkershilikke tartyldy.
Aıta ketý kerek, jyl saıyn 7 myńnan astam adam anyqtama alý úshin júginedi.
Qazirgi kezde prokýratýra qalanyń basqa da medıtsınalyq mekemelerinde osyndaı tekserý júrgizip jatyr.