Medıtsınalyq anyqtamalardy qoldan jasaǵan alaıaqtar sottaldy
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń máilmetinshe, osy jylydń mamyr aıynda medıtsınalyq qujattardy qoldan jasaǵan qylmystyq topty ustaldy. Olardy tintý barysynda 086 úlgisindegi medıtsınalyq anyqtamanyń 200-den astam blankileri, 190-ǵa jýyq sanıtarlyq kitapsha, medıtsınalyq mekemeler men dárigerlerdiń 80-nen astam mórleri, medıtsınalyq analızderdiń nátıjeleri, flıýrografııalyq sýretter, medıtsınalyq dıagnozdar jazylǵan kitapsha jáne taǵy basqa zattar tárkilengen bolatyn.
«Astana qalasy Almaty aýdandyq soty azamatsha A.Amanshına, A.Mamashov bastaǵan toppen aldyna al ymyraǵa kele otyryp, birneshe márte Astana qalasynyń medıtsınalyq mekemeleriniń atynan qoldarynda bar jalǵan mórler men shtamptardy paıdalana otyryp, azamattardyń medıtsınalyq tekserýden ótkendigi týraly jalǵan qujattar ázirlegen. Sot otyrysy barysynda aıyptalýshylar kinálaryn moıyndady», - dep atap ótilgen agenttik habarlamasynda.
Sot aıyptalýshylardyń óz kinálaryn moıyndaýyn, qylmystyq quqyq buzýshylyqtyń deńgeıin jáne basqa da jaǵdaıdardy eskere otyryp, atalǵan tulǵalardy QR Qylmystyq kodeksiniń 385 baby 2 tarmaǵy boıynsha 2 jylǵa bas bostandyqtaryn shekteý týraly jaza taǵaıyndaǵan.
Statıstkalyq derekterge sáıkes, búginde Astana boıynsha 11 emxananyń 086 úlgisindegi medıtsınalyq anyqtamany berýge ruqsaty bar. 2017 jyly atalǵan mekemelerde 30 myńǵa jýyq anyqtama berildi. Árbir anyqtamanyń baǵasy - 7 myń teńge.
Al qylmystyq top kúnine 10 jalǵan medıtsınalyq anyqtama berip otyrǵan. Sonda bir ǵana qylmystyq top jylyna 3 650 anyqtama jasaǵan. ıAǵnı, Astananyń emxanalary bir jyldyń ishinde 25 550 000 teńgeden qaǵylyp otyrǵan.
Osyǵan oraı agenttik basshysy eki mekemege - QR Eńbek jáne halyqty áleýmettik qorǵaý mınıstrligine, sondaı-aq QR Densaýlyq saqtaý mınıstrligine usynym hat joldaǵan. Birinshiden, Densaýlyq mınıstrligine úlken aqparattyq bazany jasaý qajet. Ekinshiden, Eńbek jáne halyqty áleýmettik qorǵaý mınıstriligi jumys berýshiniń jeke jaýapkershiligin engizýi kerek.