Medıtsınalyq alǵashqy sanıtarlyq kómek uıymdarynyń 80 paıyzy memlekettik normatıvke sáıkestendirildi

Búgin Densaýlyq saqtaý mınıstrliginiń Soltústik Qazaqstan oblysy Taıynsha aýdanyna jasaǵan kóshpeli alqa májilisiniń qorytyndysy boıynsha taratylǵan habarlamada osylaı kórsetilgen. «Aýdandyq ortalyq aýrýhanalardyń 90,3 paıyzy, aýyldyq emhanalardyń 60,2 paıyzy, aýyldyq aýrýhanalardyń 47 paıyzy, dárigerlik aýrýhanalardyń 22,2 paıyzy, feldsherlik- akýsherlik, feldsherlik, medıtsınalyq pýnktterdiń 7,1 paıyzy tıptik úlgide salynǵan ǵımaratta jumys istep keledi. Al 50 paıyzǵa jýyq medıtsınalyq nysandar (FP, FAP, MP, DA) jalǵa alynǵan ǵımarattarda ornalasqan», delingen habarlamada.

Baspasóz qyzmetiniń málimetinshe, 2009 jyly respýblıkalyq bıýdjet esebinen aýyldyq jerlerde 29 densaýlyq saqtaý nysanynyń qurylysy bastaldy. Onyń ishinde 2009 jyly 6 nysannyń (1 týberkýlezge qarsy aýrýhana, 4 ortalyq aýdandyq aýrýhana, 1 emhana) qurylysy aıaqtaldy. 2010 jyly 23 nysannnyń qurylysy jalǵasýda. 2010 jyldyń birinshi jarty jyldyǵynda 4 nysan iske qosyldy.

«Jol kartasy» aıasynda aýyldyq jerdegi 267 medıtsınalyq mekeme 2 844 mln teńgege jóndeýden ótti. Sonyń 2 102 mln. teńgesi respýblıkalyq bıýjetten bólinse, qalǵan 742,3 mln. teńge jergilikti bıýdjetten bólindi. 2010 jyly «Jol kartasy» sheńberinde aýyldyq jerdegi 108 nysandy 3 517 mln. teńgege jóndeýden ótkizý josparlanyp otyr. Sonyń 2 338 mıllıonyn respýblıkalyq bıýdjetten, 1 179 mıllıonyn jergilikti bıýdjetten bólý josparlanǵan. 2010 jylǵy 1 qyrkúıekke jergilikti atqarýshy organdardyń derekteri boıynsha 63 aýyldyq nysan jóndeýden ótti.

Aýyldyq jerlerdegi densaýlyq saqtaý uıymdarynyń medıtsınalyq jabdyqpen jaraqtaný deńgeıi 2009 jyldyń qorytyndylary boıynsha respýblıka boıynsha ortasha eseppen 37,53 paıyzdy qurady. Aýyldaǵy densaýlyq saqtaý nysandarynyń kompıýtermen qamtamasyz etilýine keletin bolsaq, ortalyq aýdandyq aýrýhanalar - 100 paıyz, aýyldyq aýrýhanalar- 71,2 paıyz, dárigerlik ambýlatorııalar - 49,7 paıyz, medıtsınalyq pýnktter - 0,4 paıyz qamtylǵan. Respýblıkadaǵy aýyl turǵyndaryn dárilermen 845 dárihanalyq uıym jáne 2516 densaýlyq saqtaý uıymy ( barlyǵy 3361)qamtamasyz etedi, bul kórsetkish qajetti kórsetkishtiń 64 paıyzyn qurap otyr. Telemedıtsınamen elimizdiń 14 oblysymenqatar Astana jáne Almaty qalalary qamtylǵan.

Aýyldyq jerlerdi dárigerlermen qamtamasyz etý qalamen salystyrǵanda tómen, 2009 jyly ol 10 000 adamǵa shaqqanda 14,1 jáne tıisinshe 58,3 qurady. 2009 jyly aýyldyq medıtsına uıymdaryna 488 maman jiberilgen. 274 jas maman turǵyn úımen qamtyldy. Sonymen qatar jańadan kelgen mamandardyń áleýmettik jaǵdaıyn kóterý maqsatynda 150000- nan 300000 teńgege deıin kóterme syıaqy taǵaıyndaldy jáne jer telimderi berildi.