Medıtsınalyq áleýmettik saqtandyrý qoryna 200 mlrd teńge jınaldy
«Qazirgi tańda Mindetti áleýmettik medıtsınalyq saqtandyrý boıynsha jumys berýshiler Áleýmettik medıtsınalyq saqtandyrý qoryna ár jumysshynyń jalaqysynan 1,5 paıyz tólep otyr. Kelesi jyldan bastap 2 paıyz tóleıdi. Qazirgi tańda Áleýmettik medıtsınalyq saqtandyrý qoryna 200 mlrd teńge jınaldy. Bul aqsha 1 qańtardan bastap tegin medıtsınalyq qyzmetterdi qarjylandyrý úshin paıdalanylady. Tegin medıtsınalyq qyzmetterge jańa aıtylǵan qarajatpen birge kelesi jyldan bastap ár azamat óziniń jalaqysynan 1 paıyz tóleıdi. Qosymsha 1 paıyz ózimiz tólep, 2 paıyzdy jumys berýshi tólese, 3 paıyzdyq qarajat qorǵa jınalyp, kelesi jyly jalpy medıtsınalyq saqtandyrýǵa 600 mlrd teńge jumsalady», - dedi Eljan Birtanov.
Mınıstrdiń aıtýynsha, kelesi jyly Áleýmettik medıtsınalyq saqtandyrý qoryna memleket tarapynan 1 trıllıon teńge aýdarylady.
«Sonymen, 1,6 trln teńge tegin medıtsınalyq kómek kórsetýge jiberiledi. Bizdiń oıymyzsha, sol kezde kópten kútken tegin medıtsınalyq kómektiń túrin kóbeıtýge múmkindik týady. Tarıfterdi kóterý negizinde medıtsınalyq qyzmet berýshilerdiń jaǵdaıy jaqsaryp, 1 qańtardan bastap dárigerlerdiń aılyǵyna 30 paıyzdyq ústemeaqy qosylady», - dedi Eljan Birtanov.
