Medıtsınalyq-áleýmettik mekemelerde turatyn azamattarǵa eń tómengi mólsherde zeınetaqyǵa kepildik beriledi
ASTANA. QazAqparat - Medıtsınalyq-áleýmettik mekemelerde turatyn qazaqstandyqtar úshin zeınetaqynyń eń tómengi mólsherinde tólemderge kepildik beriledi, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmetinen.
«Múgedekterdi áleýmettik qorǵaý máseleleri jónindegi Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Zań jobasynda yntymaqty zeınetaqy tóleýde 30% mólsherinde shekteýler qarastyrylǵan, biraq ol tıisti qarjy jylyna arnalǵan «Respýblıkalyq bıýdjet týraly» Zańda belgilengen eń tómengi zeınetaqy mólsherinen kem bolmaýy tıis.
Zań jobasynda medıtsınalyq-áleýmettik mekemelerde (MÁM) turatyn azamattarǵa beriletin zeınetaqy tólemderi men járdemaqylary boıynsha ońtaılandyrýdyń kelesi sharalary qarastyrylǵan:
Birinshiden, azamat úshin atalǵan tólem jalǵyz járdemaqy bolyp tabylatyn jaǵdaıdan basqa kezde alýshy tulǵa MÁM turǵan merzimde memlekettik bazalyq zeınetaqy tólemderin (qazirgi ýaqytta onyń mólsheri 11182 teńgeni quraıdy) berýdi toqtatý usynylady.
Atap aıtqanda, MÁM turatyn tulǵanyń zeınetaqy nemese járdemaqy alýǵa quqyǵy bolmasa (mysaly, bosqyn, mıgrant, turǵylyqty jeri joq tulǵa jáne t.b.), bazalyq zeınetaqy ol úshin jalǵyz járdemaqy bolǵan jaǵdaıda MÁM turǵan kezinde tólemderdi ala beredi.
Ekinshiden, zań jobasynda yntymaqty zeınetaqy tóleýde 30% mólsherinde shekteýler qarastyrylǵan, biraq ol «Respýblıkalyq bıýdjet týraly» Zańda belgilengen eń tómengi zeınetaqy mólsherinen (2015 jyly tómengi zeınetaqy mólsheri 23 692 teńgeni quraıdy) kem bolmaýy qarastyrylǵan.
ıAǵnı, MÁM turǵan kezeńde belgilengen zeınetaqynyń tek 30% tólenedi. Aıtalyq, zeınetaqy mólsheri 80 000 teńge bolsa, MÁM turǵan kezinde ol 24 000 teńgemen shekteledi.
Biraq, alatyn zeınetaqy mólsherin 30%-ǵa deıin shektegen jaǵdaıda tólem tómengi zeınetaqydan az bolsa, ol zeınetaqynyń tómengi mólsherinde beriledi. Aıtalyq, zeınetaqy mólsheri 61 000 teńge bolsa, MÁM turǵan kezeńinde oǵan 23 692 teńge beriledi.
Eger MÁM turatyn adamǵa zeınetaqy tolyq emes mólsherde belgilense jáne onyń mólsheri tómengi zeınetaqyǵa jetpese (mysaly, 17 000 teńgeni qurasa), onyń mólsheri saqtalady.
Úshinshiden, zań jobasynda MÁM turǵan kezeńde múgedektigi jáne asyraýshysynan aırylý jaǵdaıy boıynsha beriletin memlekettik áleýmettik járdemaqy mólsherin 30%-ǵa deıin shekteý usynylady. Biraq, bul shekteýdiń tireý-qozǵaý apparaty buzylǵan múgedek balalarǵa qatysy joq.
Aıta ketý kerek, zeınetaqy men járdemaqylardyń 70% mólsherinde qalǵan bóligi ol azamattarǵa MÁM turǵan kezeńde arnaýly áleýmettik qyzmetter kórsetý úshin mekemeniń esepshotyna tolyq kólemde baǵyttalady.
Medıtsınalyq-áleýmettik mekemelerde turmaıtyn qarııalar men múgedekter azyq-túlik, dári-dármek satyp alýǵa, sondaı-aq, arnaýly áleýmettik qyzmetterdiń qosymsha túrleri úshin shyǵyn shyǵaratyny belgili. Al MÁM turatyn jáne tolyq memleket qamtamasyz etetin tulǵalardyń shyǵyny medıtsınalyq áleýmettik mekemelerdiń esebinen júzege asyrylady.
Eske sala keteıik, «Múgedekterdi áleýmettik qorǵaý máseleleri jónindegi Qazaqstan Respýblıkasynyń keıbir zańnamalyq aktilerine ózgerister mentolyqtyrýlar engizý týraly» zań jobasy qazirgi ýaqytta QR Parlamenti Májilisiniń qaraýynda jatyr.
