Medıtsına úshin memlekettik qoldaý óte mańyzdy - dáriger
«Nursultan Nazarbaevtyń sózin asa úlken yqylaspen tyńdadyq. Biz úshin eń qýanyshty jaıt - «BJK-2020» baǵdarlamasynyń 2025 jylǵa deıin sozylatyny bolyp otyr. Osynyń arqasynda medıtsına salasyna ınvestıtsııa salý qarqyn almaq. Aýyl sharýashylyǵy, medıtsına salasyna memlekettik qoldaý óte mańyzdy», - dedi A.Shalbaeva.
Dáriger Elbasynyń Joldaýynda ishki týrızmdi damytý máselesi kóterilgenin aıtty.
«Astana men Almatyda kóp klınıkalar adamdarǵa sapaly medıtsınalyq qyzmet spektrin usynady. Biz syrtqy medıtsınalyq týrızmdi qysqartyp, adamdardyń bizge kelip emdelýine jaǵdaı jasaýymyz kerek. Memleket basshysy aıtqandaı, medıtsınalyq kómektiń sapalylyǵy men qol jetimdiligi - adamnyń áleýmettik jaǵdaıyn kórsetetin ındıkator. Bul sala bizde áli damyp keledi. Alaıda, qazirdiń ózinde sheteldikter tarapynan suranysqa ıe qyzmet túrleri kóp. Almatyǵa kóbine áıelder bosanýǵa, EKU jasaýǵa keletini ras», - dedi maman.
Dárigerler jalaqy kóteriletini jaıly jańalyqty qýana qarsy aldy.
«Bizdi memlekettik mekemelerde jalaqynyń kóteriletini jaıly jańalyq qýantyp otyr. Bul, sóz joq, dárigerler jumysynyń tıimdiligin arttyrmaq. Eń bastysy medıtsınaǵa bólinetin jergilikti bıýdjet JІÓ 10 paıyzyna deıin jetedi», - dedi ol.
Aıta ketý kerek, búgin Prezıdent Nursultan Nazarbaev Aqordada Qazaqstan halqyna Joldaýyn jarııa etti.
Strategııalyq qujat elimizdiń áleýmettik-ekonomıkalyq damýynyń ózekti máselelerine jáne qazaqstandyqtardyń ál-aýqatyn odan ári arttyrý mindetterine arnalǵan.
