Medıtsına shalǵaı aýdan-aýyldarda da qoljetimdi bolýy kerek - dáriger
Onyń sózine qaraǵanda, Elbasy «Nur Otan» partııasynyń HVІІІ sezinde elimizdiń árbir turǵyny bilimdi jáne densaýlyǵy myqty bolýy tıis ekendigin atap ótti.
Memleket basshysy aıtqanyndaı, turǵylyqty jerine qaramastan, turǵyndarǵa sapaly qyzmet kórsetilýi tıis.
Osy oraıda densaýlyq saqtaý salasyn qarjylandyrýdyń 40-tan 60 paıyzǵa deıin arttyrylyp, qosymsha 120 mlrd teńgeniń bólinetini dárigerler qaýymyn bir qýantyp tastady.
Anarbek Beıbitulynyń aıtýynsha, densaýlyqtyń mańyzy qaı kezde de asa joǵary. «Densaýlyq - zor baılyq» dep halqymyz tegin aıtpaǵan. Adam balasy shyr etip, dúnıe esigin ashqan sátten bastap dárigerlerdiń baqylaýynda bolatyny belgili. Bul rette sala mamandaryna aıryqsha jaýapkershilik júkteledi.
«Bókeı ordasy - oblys ortalyǵynan eń alysta ornalasqan aýdan. Tarıhı aýdandy qazirgi kezde 14 myń turǵyn mekendeıdi. Bizdiń maqsat - olarǵa esh kedergisiz, sapaly, tegin medıtsınalyq qyzmet kórsetý. Ótken jyly aýdandyq ortalyq aýrýhana elektrondy qujat aınalymyna tolyqtaı kóshti. Oblystyq densaýlyq saqtaý basqarmasy tsıfrly rentgen apparatymen joǵary sapaly ÝZI-di alyp berdi. Bıyl da avtokólik alýǵa, elektrondy flıýroapparat, narkoz apparaty jáne basqa qural-jabdyqtarǵa suranys berilýde. Aýdan ákimdiginiń qoldaýymen 13 nysandy kúrdeli jóndeý, gazdandyrýǵa qujattar daıyndalýda. Jasyratyny joq, maman tapshylyǵy bar. Aldaǵy ýaqytta medıtsınalyq JOO-lardy bitirgen túlekter kelse, qýana qosh alar edik. Eń bastysy, Gıppokrat antyna adal bolyp, turǵyndarǵa qoldan kelgen járdemniń bárin kórsete bermekshimiz», dedi QazAqparat tilshisine A.Belısanov.
Eske sala keteıik, budan buryn ýnıversıtet oqytýshysy bilim salasyna tyń ózgerister qajettigin aıtqan bolatyn.
Sondaı-aq basshy-ustaz ınnovatsııalyq mektepter aldynda úlken mindetter turǵandyǵyn jetkizdi.