Medıtsına sapasyna qatysty álemdik reıtıngte Qazaqstan neshinshi orynda tur
Energyprom.kz portalynyń málimetinshe, Qazaqstannyń álemdik reıtıngtegi ındeksi – 59,99.
Indeks joǵary bolǵan saıyn densaýlyq saqtaý júıesi de jaqsy degen sóz.
Jalpy, densaýlyq saqtaý júıesi sapasynyń ındeksi medıtsıalyq qyzmetkerlerdi, qural-jaddyqtardy, qyzmet qunyn jáne basqa da jaıttardy baǵalaý arqyly túziledi.
Reıtıngke sáıkes, Taıvan, Ońtústik Koreıa jáne Japonııanyń densaýlyq saqtaý júıesi eń úzdik sanalady.
Eń nashar kórsetkish Venesýelada tirkelgen. Al reıtıngke qatysatyn TMD elderi arasynda Qazaqstannyń densaýlyq júıesi úzdik dep tanylǵan.
Bizge qaraǵanda Reseı, Ýkraına, jáne Ázerbaıjannyń kórsetkishi tómen.
Osy jyldyń aqpanynda elimizde ambýatorlyq qyzmetterdiń baǵasy 1 aıda 1,8 paıyzǵa, al 1 jylda 6,4 paıyzǵa qymbattady.
Aılyq dınamıkada dáriger-mamandardyń qyzmeti 6,1 paıyzǵa, dárigerlerdiń alǵash qabyldaýy 2,1 paıyzǵa, medıtsınalyq zerthanalar men rentgen kabınetteriniń qyzmetteri 1,4 paıyzǵa, tis dárigerleriniń qyzmeti 0,6 paıyzǵa ósti.
2020 jyly elimizde barlyq mamandyq dárigerleriniń (tis dárigerlerin qospaǵanda) sany – 76,4 myń.
Bul 2019 jylǵy kórsetkishten 3,2 paıyzǵa kóp. Árbir 100 myń turǵynǵa 405 dárigerden keledi.
Nur-Sultan men Almaty qalalary jáne Qaraǵandy oblysy dárigerlermen birshama joǵary deńgeıde qamtylǵan.
Al Aqmola, Almaty jáne Túrkistan oblystarynda dáriger jetispeýshiligi anyq baıqalady.
Elimizdiń árbir 100 myń turǵynǵa 14 provızordan, 21 farmatsevten, 323 dáriger-mamannan jáne 10 tis dárigerinen keledi.
