Medıtsına salasynda maman daıarlaý sapasy qaıta qaralatyn bolady - T.Dúısenova
Aıta keterligi, kezdesý barysynda Senat Tóraǵasy Qasym-Jomart Toqaev elimidegi medıtsına salasyna mamandar daıarlaýdyń sapasyn synǵa alyp, joǵary oqý oryndaryn támamdaǵan mamandar daıarlyǵy tómen ekenin, olar ulttyq densaýlyq saqtaý júıesine zalalyn da tıgizip jatqanyn aıtqan bolatyn.
«Biz ortalyq býyndaǵy dárigerlerdiń jetispeýshiligin, sońǵy jyldary daıarlanǵan jalpy tájirıbe dárigerleriniń bilimi tómen ekenin moıyndaımyz. Osyǵan baılanysty biz jalpy tájirıbe dárigerlerin daıarlaý máselesin qaıta qarastyratyn bolamyz», - dedi «Densaýlyq» jańa memlekettik baǵdarlamasyn tanystyrǵan mınıstr T. Dúısenova.
Onyń aıtýynsha, mamandandyrylǵan medıtsınalyq kómek deńge ıinde pedıatorlar tapshylyǵy máselesin sheshý úshin rezıdentýra deńgeıinde osy mamandardy daıarlaýǵa granttar bólinetin bolady.
«Budan bólek, ortalyq býyndy damytý aıasynda birqatar fýnktsııalar birtindep arnaıy daıarlanǵan jalpy praktıkadaǵy medıtsına bıkelerine beriletin bolady. Osy maqsatta medbıkelerdi daıarlaýdyń fındyq úlgisi engizilmek. Onda daıarlaýdyń úsh deńgeıi qamtylady. Máselen, elimizdegi kolledjder arasynan medbıkeler daıarlaýdyń joǵary mektepteri, bilim berý baǵdarlamalary uıymdastyrylady. Bul mektepterdiń túlekteri medıtsınalyq kómek kórsetýmen tikeleı aınalysady. Al búgingi kúni bakalavr deńgeıinde oqytyp, medbıkeler daıarlap jatqan joǵary oqý oryndarynda negizinen ǵylymmen, ákimshilik jumystarmen aınalysatyn medbıkeler oqytylady. Álemdik tájirıbe osyndaı, biz de soǵan kóshýge tıispiz», - dedi T. Dúısenova.