Medıtsına mamany klınıtsıst, zertteýshi jáne pedagog bolǵanda ǵana memleket alǵa qoıǵan mindetter talapqa saı oryndalady - medıtsınalyq forým
TANA. 8 qyrkúıek. QazAqparat /Aıdar Ospanalıev/ - «Medıtsına mamany klınıtsıst, zertteýshi jáne pedagog bolýy kerek. Sonda ǵana biz aldymyzǵa memleket qoıǵan,
Elbasy qoıǵan mindetterdi talapqa saı atqaramyz»,-deıdi «Ulttyq medıtsınalyq holdıng» aktsıonerlik qoǵamynyń Basqarma tóraǵasynyń orynbasary Tamara Vaşenkova. Bul pikirin ol Astanada ótip jatqan «Bolashaq gospıtali» II halyqaralyq medıtsınalyq iskerlik forýmynda bildirdi.
T.Vaşenkovanyń paıymdaýynsha, medıtsına mamany pedagog bolsa ǵana, qalyń kópshilik onyń sózine qulaq asyp, aıtqandaryn tyńdaıtyn bolady. «Medıtsına mamany óziniń biletinin ózgelerge úırete alatyn pedagogqa tán qasıet ıesi bolǵanda ǵana bizdiń densaýlyq saqtaý júıemiz jetile túsedi. Al medıtsına mamany zertteýshi bolýy kerek degen máselege keletin bolsaq, búgingi tańda ǵylym óte úlken qarqynmen damyp kele jatyr. Al sol qarqynǵa ilese almaǵan maman, azamattarǵa der kezinde ári sapaly kómek kórsete almaıdy. Al dıagnostıka men emdeýdiń qazirgi zamanǵy tásilderin meńgergen, aýrýdy birden anyqtap, onyń dıagnozyn qoıa alatyn klınıtsıster búgingi densaýlyq saqtaý salasyna asa qajet mamandyq ıeleri»,-dedi Basqarma tóraǵasynyń orynbasary.
