Medıtsına mamandyǵyn oqyp jatqan stýdentterdiń shákirtaqysyn 25 paıyzǵa artady

NUR-SULTAN. QazAqparat – Medıtsına mamandyǵyn oqyp jatqan stýdentterdiń shákirtaqysy 25 paıyzǵa artady. Bul týraly búgin QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Medıtsına qyzmetkerleriniń biliktiligin halyqaralyq standarttarǵa sáıkes deńgeıge jetkizý úshin kelesi is-sharalar josparlanǵan: bilim berý qyzmetteriniń qunyn qalyptastyrýdyń jańa ádistemesin engizý, memlekettik bilim berý granttaryn 40 paıyzǵa ulǵaıtý, medıtsınalyq joǵary oqý oryndarynyń professor-oqytýshy quramynyń biliktiligin arttyrý, medıtsına JOO-lary stýdentteriniń shákirtaqysyn 25 paıyzǵa kóterý», - dedi Alekseı Tsoı Densaýlyq saqtaý mınıstrliginiń keńeıtilgen alqa otyrysynda.

Sonymen qatar mınıstr PhD doktorlaryn daıyndaýdyń jańa baǵdarlamasyn ázirlep, engizý, meıirbıke qyzmeti qyzmetkerlerin mamandandyrý qolǵa alynatyndyǵyn aıtty.

«Otandyq ǵylymdy damytý úshin Open Access bıomedıtsınalyq zertteýler tizimin iske qosýdy jáne «biryńǵaı tereze» arqyly klınıkalyq zertteýler jónindegi úılestirý ortalyǵyn qurýdy josparlap otyrmyz», - dedi ol.