Medıtsına qyzmetkerleriniń kásibı qyzmetine aralasýǵa tyıym salynbaq
«Medıtsına kadrlarynyń biliktiligin arttyrý maqsatynda: kadrlardy úzdiksiz kásiptik damytý, onyń ishinde menshik nysanyna qaramastan medıtsınalyq uıymnyń - jumys berýshiniń esebinen biliktilikti arttyrý; medıtsına qyzmetkerlerin sertıfıkattaý; rezıdentýrada jáne kásibı qyzmettiń bastaǵan kezde mindetti tálimgerlik kózdeledi», - dedi ol Májiliste «Halyq densaýlyǵy jáne densaýlyq saqtaý júıesi týraly» Kodeks jobasynyń jańa redaktsııasyn tanystyrý barysynda.
Onyń atap ótýinshe, memleket tarapynan áleýmettik qoldaýdy qamtamasyz etý úshin biliktilik deńgeıine sáıkes keletin yntalandyrý tólemderin usyný, sondaı-aq medıtsına jáne farmatsevtıka qyzmetkerleriniń jergilikti bıýdjet qarajaty esebinen áleýmettik qoldaýǵa arnalǵan basym quqyqtaryn bekitý qarastyrylady. «Medıtsınalyq oqıǵa» uǵymy jáne ony aıqyndaý tetikteri engiziledi. Medıtsına jáne farmatsevtıka qyzmetkerleriniń kásibı qyzmetine aralasýǵa tyıym salynady.
«Kórsetilgen túzetýlerdi qabyldaý nátıjesinde kadrlardy daıarlaý sapasy artyp, halyqtan túsetin shaǵymdar sany tómendeıdi. Medıtsına jáne farmatsevtıka qyzmetkerleriniń mártebesi artady. Patsıentterdiń qaýipsizdigi joǵarylaıdy. Densaýlyq saqtaý qyzmetkerleriniń quqyqtary men zańdy múddeleriniń buzylýynyń aldyn kesý, aldyn alý jáne boldyrmaý múmkindigi paıda bolady», - dedi mınıstr.