Medıtsına qyzmetkerlerine tólem jasaýǵa basymdyq berilip otyr - mınıstrlik

NUR-SULTAN. QazAqparat – Medıtsına qyzmetkerlerine tólem jasaýǵa basymdyq berilip otyr. QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev osylaı málim etti, dep habarlaıdy QazAqparat tilshisi.

«Іndetpen kúreste tikeleı qatysqan densaýlyq saqtaý júıesiniń qyzmetkerlerine birjolǵy áleýmettik tólem tóleý máselesi Densaýlyq saqtaý mınıstrligi úshin basymdyq berilgen mindet bolyp otyr. Memleket basshysy qaıtys bolǵan dárigerlerdiń otbasylaryna barlyq tıisti járdemaqylardy egjeı-tegjeıli tekserýsiz tóleýdi tapsyrdy. Sondaı-aq qyzmet etý kezinde medıtsına qyzmetkerleriniń aýyrǵanynyń barlyq rastalǵan jaǵdaılary boıynsha tólem qysqa merzimde júzege asyrylýy júkteldi», - dedi Tımýr Sultanǵazıev Ortalyq kommýnıkatsııalar qyzmetinde.

Budan buryn habarlanǵandaı, komıtet basshysy medıtsına qyzmetkerlerine tólem jasaý máselesine qatysty túsinik berdi.

Pandemııa jarııalanǵannan beri elimiz boıynsha atalǵan ınfektsııa juqtyrǵan densaýlyq saqtaý qyzmetkerleriniń sany 12 830 adam. Onyń ishinde kásiptik qyzmetti júzege asyrý kezinde kovıd jáne pnevmonııamen syrtqattanýshylar boıynsha 8 442 ótinim kelip tústi, sondaı-aq olardy óńirlik komıssııalar qarady.

Eske sala keteıik, Memleket basshysy Qasym-Jomart Toqaev koronavırýstan qaıtys bolǵan dárigerdiń otbasyna tekserý júrgizilmesten tólemaqy berilýi kerektigin tapsyrdy.

Sonymen qatar Prezıdennt medıtsına qyzmetkerleri qyzmet barysynda aýrý juqtyryp alǵany dáleldengen jaǵdaıda qysqa merzimniń ishinde tólemaqy múltiksiz tólenýi tıistigin basa aıtty.