Medıtsına qyzmetkerleri zań arqyly qorǵalýy tıis – Memleket basshysy

ASTANA. QazAqparat – Medıtsına qyzmetkerleriniń quqyǵyn qorǵaýǵa kóp kóńil bólý qajet. Bul týraly VIII saılanǵan QR Parlamentiniń birinshi sessııasynyń otyrysynda Memleket basshysy Qasym-Jomart Toqaev málim etti, dep habarlaıdy QazAqparat tilshisi.

«Adam kapıtalyn damytýǵa qatysty taǵy bir másele – Densaýlyq saqtaý júıesiniń tıimdi bolýy. Elimizdiń medıtsına ınfraqurylymyn jaqsartý qajet. Onyń jaı-kúıine qatysty túıtkilder az emes. Memleket sonyń bárin birtindep sheship jatyr. «Aýylda densaýlyq saqtaýdy jańǵyrtý» ulttyq jobasy aıasynda aýyl-aımaqta 600-den astam nysan salý josparlanǵan. Jumystyń bári ýaqtyly ári sapaly jasalýy kerek. Bul – óte mańyzdy. Barlyq jaýapkershilik ákimderge júkteledi», - dedi Qasym-Jomart Toqaev.

Sonymen qatar Prezıdent medıtsına qyzmetkerleriniń quqyǵyn qorǵaýǵa kóp kóńil bólý qajet ekenin aıtty.

«Olardyń áleýmettik jaǵdaıy da nazardan tys qalmaýǵa tıis. Osyǵan qatysty arnaıy zań jobasy Parlamentte bir jylǵa jýyq talqylandy. Bul qujatta, negizinen, dárigerlerdiń jaýapkershiligin saqtandyrý ǵana kózdelgen. Osy rette medıtsına salasynyń bedelin arttyrýǵa qatysty depýtattar men mamandardyń naqty usynystary eskerilmegen. Medıtsına qyzmetkerleri zań arqyly qorǵalýǵa tıis. Parlament osy máseleni erekshe nazarǵa alǵany jón», - dedi Memleket basshysy.