Medıtsına qyzmetkerleri sý tasqynynan zardap shekken aqmolalyqtarǵa kómek kórsetýde
Medıtsına mamandary Kókshetaý qalasynan 4,5 tonna azyq-túlik pen asa qajetti zattardy alyp keldi. «Oblystaǵy medıtsınalyq uıymdardyń ókilderi Atbasar jáne Sandyqtaý aýdandarynyń sý tasqynynan zardap shekken turǵyndaryna gýmanıtarlyq kómek uıymdastyrdy. Olardyń arasynda bizdiń áriptesterimizdiń de otbasylary bar. Atbasarda olardyń sany 37, al Sandyqtaýda - 7 medıtsına mekemeleriniń mamandary bar», - dep atap ótti Aqmola oblystyq balalar aýrýhanasynyń bas dárigeri Serik Aqshalov.
Sandyqtaý aýylynda 25 sáýir kúni konsýltatıvtik kómek kórsetý úshin oblys ortalyǵyndaǵy salalyq mamandar, atap aıtqanda kardıolog, nevropatolog, hırýrg, travmatolog, pedıatr turǵyndardy qabyldaıtyn bolady. Oblys ortalyǵyndaǵy úkimettik emes uıymdar da qalys qalǵan joq. Olar da óz kezeginde halyqqa kómek qolyn sozýda.
Eske salaıyq, Sandyqtaýda sý tasqyny boldy. Sarapshylardyń baǵalaýy boıynsha, bul sońǵy 50 jyldaǵy eń zalaldy tasqyn boldy. 300-den astam úı sý astynda qalyp, 852 adam evakýatsııalandy. Jergilikti bıliktiń, qutqarýshylar men aýdandaǵy turǵyndardyń arqasynda adam shyǵynan jol berilmedi.