Medıtsına qyzmetkerleri kún saıyn grek jańǵaǵyn jeýge keńes beredi
ASTANA. 27 qyrkúıek. QazAqparat - Yale-Griffin Prevention Research Center (Konnektıkýt shtaty) dıabetti zertteý ortalyǵynyń qyzmetkerleri as mázirine grek jańǵaǵyn qosý dıabet jáne júrek aýrýlarynyń damýynan saqtandyratynyn anyqtady, dep habarlaıdy RBK.
Zertteý barysynda ǵalymdar 30-75 jastaǵy erikti 46 eresek adamnyń jaǵdaıyn qadaǵalady.
Óz erkimen synalǵan adamdardy eki topqa bólgen. Olardyń bireýi segiz apta boıy grek jańǵaǵy kóp qosylǵan tamaq jeý tártibin (kún saıyn qatysýshylar 56 g qýyrylmaǵan grek jańǵaǵyn tutynǵan) ustanǵan, al ekinshisi ustanbaǵan.
"Grek jańǵaqtarynyń quramynda aǵzany shlaktardan tazartýǵa qajetti mańyzdy qorektik zattar bar", - deıdi zertteý jumysynyń avtory Devıd Kats.
Ǵalymdardyń sózine qaraǵanda, kún saıyn grek jańǵaqtaryn qoldaný vıstserıaldyq semirýge shaldyqqan adamdardyń (adam úshin asa qaýipti) endotelıaldyq qyzmetin jaqsartady. Jańǵaqtar salmaq qosýǵa áser etpeıdi. Mamandar osy salada jumys isteýdi jalǵastyrýdy josparlaýda.
Buryn Bostondaǵy Garvard qoǵamdyq densaýlyq saqtaý mektebiniń qyzmetkerleri aptasyna eki-úsh ret grek jańǵaqtaryn jeý ekinshi tıpti dıabettiń damý qaýpin bir shırek azaıtatynyn anyqtaǵan.
