Medıtsına qyzmetkeriniń vırýs juqtyrýyna qatysty ár oqıǵa boıynsha tıisti shara qabyldanady - Bıýrabekova
27 sáýirde jarııalanǵan Memleket basshysynyń málimdemesinde koronavırýspen aýyrǵan medıtsına qyzmetkerlerine qatysty fakti atap ótildi.
Osyǵan baılanysty vıtse-mınıstr Facebook-tegi paraqshasynda koronavırýs ınfektsııasymen kúrestiń kezeńderinde jumys isteıtin medıtsına qyzmetkerlerin indetti juqtyrýdan saqtap qalý úshin barlyq qoldan keletin shara jasalyp jatqanyn atap ótti.
Vıtse-mınıstrdiń aıtýynsha, búgingi tańda elimizde medıtsına qyzmetkerleri arasynda COVID-19 juqtyrýǵa qatysty 820 jaǵdaı tirkelgen.
DDSU-nyń apta saıynǵy esebi boıynsha álemde medıtsına qyzmetkerleriniń 16 % paıyzy indetti juqtyrǵan.
Medıtsına qyzmetkerleri arasynda COVID-19 jaǵdaıy elimizdiń 16 óńirinde Aqtóbe oblysynan basqalarynda tirkelgen. Medıtsına qyzmetkerleri arasynda eń kóp juqtyrǵandar joǵary úlesi Almatyda (54,4 %), Nur-Sultanda (32,5 %), Shymkent qalalarynda (16,0 %), Soltústik Qazaqstan (50,0 %), Almaty (28,8 %), Qaraǵandy (27,5 %), Túrkistan (22,4 %) jáne Atyraý (18,5 %), oblystarynda tirkelgen.
«COVID-19 juqtyrǵandardy emdeýge jáne olardy qaraýǵa tartylmaǵan medıtsına qyzmetkerleri arasynda COVID-19 koronavırýsqa shaldyǵý jaǵdaıy kóp tirkelgenin atap ótken jón. Qazirgi tańda naýqastar sany 473 adamǵa jetip otyr (66,2 %). Olardyń basym bóligi Almaty qalasyndaǵy ortalyq qalalyq klınıkalyq aýrýhanasynyń qyzmetkerleri. Atalǵan jaǵdaı boıynsha, ózderińizge málim, Bas prokýratýramen birlesken qyzmettik tekserý aıaqtalyp keledi jáne osy oqıǵaǵa qatysty medıtsına uıymy basshylyǵynyń jaýapkershiligin qosymsha anyqtaımyz», - dep atap ótti L.Bıýrabekova.
Sondaı-aq, onyń aıtýynsha «medıtsına qyzmetkerleriniń jumystan tys kúndelikti turmysta birneshe oshaqtan aýrý juqtyryp, ınfektsııany keıin medıtsına uıymyna ákelgeni» belgili bolǵan. Koronavırýsqa shaldyqqan barlyq medıtsına qyzmetkerleri aýrýhanaǵa jatqyzylyp, bekitilgen klınıkalyq hattamaǵa sáıkes em alyp jatyr.
Mamandar árbir aýrý juqtyrý jaǵdaıyn jiti tekserip, onyń sebebin anyqtaýda.
«Jalpy, medıtsına qyzmetkerleriniń ınfektsııany juqtyrý jaǵdaıyn taldaý kóptegen medıtsına qyzmetkerleriniń koronavırýstyń óte juqpaly ekendigin jetkilikti baǵalamaǵanyn kórsetedi. Sondaı-aq, aýrýǵa shaldyqqan naýqastarmen kóbirek qatynasta bolý jáne vırýstyń bıologııalyq ereksheligine baılanysty turǵyndarǵa qaraǵanda medıtsına qyzmetkerleriniń ınfektsııa juqtyrý qaýpi joǵary «, - dep atap ótti vıtse-mınıstr. L.Bıýrabekova áriptesteriniń nazaryn qorǵanys kostıýmin durys kıip qana qoımaı, olardy sheshý kezinde qaýipsizdik tehnıkasy men birizdilikti saqtaý mańyzdy ekenine aýdartty.
«Ýhan ýnıversıtetiniń Chjýnnan medıtsınalyq ortalyǵy dárigerleriniń málimetinshe, emhanada dezınfektsııalyq rejımniń kúsheıtilýine qaramastan, qorshaǵan orta obektilerinde vırýstyń 17-den den 30 paıyzǵa deıin joǵary taralýy atap ótiledi. Osyǵan baılanysty aınalany dezınfektsııalyq quraldarmen jıi súrtip, qoldy barynsha muqııat jýyp otyrý qajet», - dedi vıtse-mınıstr.
Ol sondaı-aq mınıstrlik medıtsınalyq qyzmetkerlerdi profılaktıkalyq skrınıng testiden ótkizý týraly sheshim qabyldaǵanyn atap ótti. 10 sáýirden beri 22 myńnan astam qyzmetkerge test jasaldy (jalpy jospardyń 69 paıyzy).
Bul rette DDSU aýrýdyń klınıkalyq belgisi bar medıtsınalyq qyzmetkerlerdi testileýge keńes beredi. Mysaly, basqa elderde (Italııa, AQSh, Kanada jáne t.b) testileý aýrý belgisi bolǵan jaǵdaıda ǵana júrgiziledi.
«Alaıda biz aýrýǵa shaldyqqan, ásirese aýrý belgisi baıqalmaǵan adamdardy ýaqytyly anyqtap, olarǵa medıtsınalyq kómek kórsetý, indet oshaqtaryn joıý úshin bul jumysty ary qaraı jalǵastyramyz. Sóz sońynda medıtsınalyq qyzmetkerlerimizge taǵy aıtqym kelip otyr. Ár jerde problemalar bar ekenin túsinemiz, árbir oqıǵa baqylaýymyzda tur, sondyqtan vırýs juqtyrýdyń árbir oqıǵasy boıynsha tıisti qorytyndy shyǵarylyp, sharalar qabyldanady», - dep túıindedi sózin L.Bıýrabekova.