Medıtsına qyzmetkeri óziniń 30 adamnyń ólimine qatysy bar ekendigin moıyndady
ASTANA. QazAqparat - Medıtsına qyzmetkeri óziniń 30 adamnyń ólimine qatysy bar ekendigin moıyndady. Ol Germanııanyń Delmenhorst qalasyndaǵy aýrýhanada jumys jasaǵan.
38 jastaǵy er adam psıhıatr-dárigerge emdelýshilerge júrek preparatynyń dozasyn asyryp qoldanǵanyn aıtty. Sottalýshynyń esimi jarııalanbady. Tek ol qylmysty 2003-2005 jyldar aralyǵynda jasaǵany ǵana belgili.
Tergeý barysynda anyqtalǵandaı, er adam patsıentterge aldymen ıne salyp, keıin ony ómirge qaıta alyp kelýge tyrysqan. Ol osy áreketi arqyly óziniń medıtsınalyq qabiletin jetildirmek bolǵan. Er adam 2008 jyly adam ólimine qatysy bolǵany úshin 7 jarym jylǵa bas bostandyǵynan aıyryldy, dep jazady sheteldik BAQ.
