Medıtsına qaldyqtaryn kómýmen aınalysatyn mamandarǵa biliktilik talaptary ázirlendi
«Múddeli tulǵalardyń aqparatqa qoljetimdiligin qamtamasyz etý maqsatynda mınıstrlik 2018 jyly Óndiris pen tutyný qaldyqtarynyń memlekettik kadastrynda «Medıtsınalyq qaldyqtar» platformasyn iske qosty. Medıtsınalyq qaldyqtardy esepke alýdy qamtamasyz etý boıynsha birqatar jumystar júrgizildi. ıAǵnı, 2019 jyly mınıstrliktiń medıtsınalyq qaldyqtar týraly aqparat berý tártibin bekitý boıynsha quzyreti zańnamalyq túrde bekitildi, ony iske asyrý úshin Densaýlyq saqtaý mınıstriniń 2019 jylǵy 31 naýryzdaǵy № QR DSM-15 buıryǵymen qorshaǵan ortany qorǵaý salasyndaǵy ýákiletti organǵa jyl saıyn aqparat engizý boıynsha medıtsınalyq qaldyqtardyń ıelerine (densaýlyq saqtaý sýbektileri men qaldyqtardy kádege jaratý jáne joıý úshin mamandandyrylǵan uıymdar) qoıylatyn talaptardy reglamentteıtin tıisti qaǵıdalar qabyldandy», - dedi mınıstr.
Onyń atap ótýinshe, «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2020 jylǵy 7 shildedegi jańa kodeksinde medıtsınalyq qaldyqtardyń uǵymdary men jiktemesi berildi, medıtsınalyq qaldyqtardy jınaý, tasymaldaý, saqtaý, zalalsyzdandyrý, kómý jáne (nemese) paıdalaný boıynsha qyzmetti júzege asyratyn adamdarǵa qoıylatyn talaptar aıqyndaldy.
«Kodekstiń 101-babyn iske asyrý úshin mınıstrlik medıtsınalyq qaldyqtardy jınaý, tasymaldaý, saqtaý, kádege jaratý, kómý jáne paıdalaný boıynsha qyzmetti júzege asyratyn jeke jáne zańdy tulǵalarǵa qoıylatyn biliktilik talaptaryn ázirledi. Bul rette, belgilengen talaptar qaýipti medıtsınalyq qaldyqtardy jınaý, tasymaldaý jáne zalalsyzdandyrý boıynsha kórsetiletin qyzmetterdi satyp alý boıynsha tıptik konkýrstyq qujattamany ázirleý kezinde paıdalanylýy tıis dep sanaımyz. Budan basqa Kodeksti iske asyrý aıasynda qaýipti medıtsınalyq qaldyqtardy zalalsyzdandyrý qaýipsizdigin tıisti baqylaýdy qamtamasyz etý úshin «Óndiris jáne tutyný qaldyqtaryn jınaýǵa, paıdalanýǵa, qoldanýǵa, zalalsyzdandyrýǵa, tasymaldaýǵa, saqtaýǵa jáne kómýge qoıylatyn sanıtarlyq-epıdemıologııalyq talaptar» sanıtarlyq qaǵıdalarynyń talaptary qaıta qaraldy jáne qaldyqtardy zalalsyzdandyrý sapasyn baqylaýǵa baǵyttalǵan qosymsha talaptar engizildi», - dedi Alekseı Tsoı.
Mınıstrdiń aıtýynsha, engizilgen túzetýler epıdemıologııalyq táýekelderdi azaıtýǵa jáne sanıtarlyq-epıdemıologııalyq baqylaý men qadaǵalaý tıimdiligin qamtamasyz etýge múmkindik beredi.
«Sonymen qatar lıtsenzııalaýǵa jatatyn qyzmet túrleriniń tiziminen alyp tastaý josyqsyz, biliktiligi joq kórsetiletin qyzmetti berýshilerge medıtsınalyq qaldyqtardy kádege jaratý boıynsha qyzmetpen aınalysýǵa múmkindik beredi. Osyǵan baılanysty «Ruqsattar jáne habarlamalar týraly» Qazaqstan Respýblıkasynyń 2014 jylǵy 16 mamyrdaǵy Zańyna tıisti túzetýler engizýdi oryndy dep sanaımyz», - dedi ol.