Medıtsına ǵylymdarynyń doktory Ámir Ahetov dúnıeden ótti
ASTANA. QazAqparat - QR Prezıdenti Іs basqarmasynyń Medıtsınalyq ortalyǵy aýrýhanasynyń dırektory Ámir Amantaıuly Ahetov ómirden ozdy, dep habarlaıdy QazAqparat.
«QR Respýblıkasy Prezıdenti Іs basqarmasynyń Medıtsınalyq ortalyǵy aýrýhanasynyń dırektory Ámir Amantaıuly Ahetovtiń mezgilsiz dúnıedin ótkenin habarlaımyz. Ámir Amantaıuly Іs basqarmasynyń júıesinde 10 jyldan astam ýaqyt eńbek etti. Ár jyldarda «Almaty» jáne «Oqjetpes» sanatorııleriniń, Ortalyq klınıkalyq aýrýhanasynyń, Medıtsınalyq ortalyq aýrýhanasynyń basshysy qyzmetterin atqardy», - delingen QR Prezıdenti Іs basqarmasynyń málimetinde.
Ámir Ahetov medıtsına ǵylymdarynyń doktory, QR Ulttyq ǵylym akademııasynyń qurmetti múshesi, Reseı Jaratylystaný ǵylymdary akademııasynyń professory boldy. Ol 2017 jyly ǵalymdar tobynyń quramynda uzaq ómir súrý jolyndaǵy ázirlemesi úshinǵylym men tehnıka salasyndaǵy ál-Farabı atyndaǵy Qazaqstan Respýblıkasynyń memlekettik syılyǵyn ıelendi.
«Ámir Ahetovtiń jarqyn beınesi áriptesteriniń jadynda máńgi saqtalady», - dep atap ótti QR Prezıdentiniń Іs basqarmasynan.
