Medıtsına boıynsha Nobel syılyǵynyń ıegerleri anyqtaldy
NUR-SULTAN. QazAqparat - Medıtsına boıynsha Nobel syılyǵynyń ıegerleri anyqtaldy, dep habarlaıdy QazAqparat Euronews-ke silteme jasap.
«2020 jyly fızıologııa men medıtsınadan Nobel syılyǵy vırýsologtar - Harvı Alter, Maıkl Hoýton jáne Charlz Raısqa taǵaıyndaldy. Nobel komıtetiniń habarlaýynsha, olar S gepatıtimen kúreste sheshýshi ról atqarǵan. ıAǵnı, 1989 jyly olar bul vırýstyń RNQ-sy arqyly onyń A jáne V gepatıtine jatpaıtyn, biraq soǵan uqsas aýrýdy týdyratynyn anyqtaǵan. Vırýsty ashý ınfektsııany anyqtaıtyn test júıesy men dári jasaýǵa múmkindik berdi, mıllıondaǵan adamnyń ómirin aman alyp qaldyq«, - delingen syılyqty taǵaıyndaý týraly málimdemede.
Eske sala ketsek, bıyl Nobel syılyǵy laýreattarynyń esimderi 5-12 qazan aralyǵynda jarııalanady. Saltanatty rásim Stokgolm merııasynan translıatsııalanady. Oǵan túrli elder qosylady. Buǵan deıin is-shara Stokgolm fılarmonııasynda ótetin.
Marapattar jeńimpazdarǵa elshilik pen ýnıversıtet ókilderi arqyly tabystalady.
