Medıtsına ardageri: Vaktsınatsııa — pandemııadan shyǵýdyń qadamy
ALMATY. QazAqparat - Medıtsına ardageri koronavırýs ınfektsııasymen kúresý kezinde vaktsınatsııanyń mańyzdylyǵyn atap ótti, dep habarlaıdy QazAqparat tilshisi.
Qazaqstandyq memleket jáne medıtsına qaıratkeri, Qazaqstan Respýblıkasynyń ekinshi Densaýlyq saqtaý mınıstri, medıtsına ǵylymdarynyń doktory Vasılıı Devıatko QazAqparat tilshisine vaktsınatsııa mańyzdylyǵy jaıyl aıtyp ótti.
«Adamzat ǵasyrlar boıy kóptegen juqpaly aýrýlardan zardap shekti. Ár ýaqytta óz aýrýlary boldy. Qazir 21 ǵasyrda biz koronavırýs sııaqty óte aýyr aýrýdy kezdestirdik. Búginde búkil álem onymen kúresýde. Kúres túrleri ártúrli jáne búgingi tańda bizdiń barlyq saýatty adamdar muny jaqsy túsinedi dep oılaımyn. Biraq sońǵy 150 jylda eń tıimdisi halyqty vaktsınalaý ekenine kúmán joq.
Men ózim jasy kelgen adammyn. Men elý jyldyq tájirıbesi bar dárigermin, múmkindik paıda bolǵan kezde vaktsına qabyldadym», - dedi medıtsına ǵylymdarynyń doktory, professor Vasılıı Devıatko.
Onyń aıtýynsha, vaktsınatsııanyń qaı jerde sátti júrgizilip jatqanymen búkil álem bólisti.
«Biz vaktsınatsııa qaı elderde jaqsy qarqynmen júretinin jáne qandaı da bir sebeptermen qarqyny baıaýlaıtynyn bilemiz. Bir jerde obektıvti qıyndyqtar bar. Mysaly, Úndistanda halyq sany kóp, Brazılııada aýrý men ólim sany eń kóp tirkeldi. Biz de biraz adamdy, sonyń ishinde dárigerlerimizden aıryldyq. Men halyqty jasyna qaramastan, tipti sozylmaly aýrýlar bolsa da, mindetti túrde vaktsına alýǵa shaqyramyn. Vaktsınatsııa — pandemııadan shyǵý qadamy. Bul shaqyrý da, nasıhat ta emes. Bul shynymen de ómir súrý, tótep berý jáne aýyryp qalmaý úshin shuǵyl qajettilik», - dedi medıtsına ardageri Vasılıı Devıatko.
Alpamys Israıl
