Medıtsına ardageri: Koronavırýsty vaktsına ǵana jeńedi
ALMATY. QazAqparat – Medıtsına ardageri koronavırýs ınfektsııasymen kúresý kezinde vaktsınatsııanyń mańyzdylyǵyn aıtty, dep habarlaıdy QazAqparat tilshisi.
Almaty qalasy jedel járdem stantsııasynyń ardageri, joǵary sanatty maman Igor Volkovtyń aıtýynsha, koronavırýsty tek vaktsına jeńedi. Pandemııadan shyǵýdyń jalǵyz joly – ekpe alý.
«Men ómir boıy jedel járdem stantsııasynda jumys istedim jáne sońǵy 15 jyl bas dáriger boldym. Koronavırýsqa qarsy jappaı vaktsınatsııa bastala salysymen alǵashqylardyń biri bolyp vaktsına aldym. Vaktsınatsııa – pandemııany jeńe alatyn eń basty qural dep sanaımyn. Sondyqtan men barlyǵyn, búkil halyqty vaktsınatsııadan qoryqpaýǵa shaqyramyn. Barlyǵy ózińizdi jáne jaqyndaryńyzdy osy qorqynyshty indetten qorǵaý úshin jasalatynyn túsinýińiz kerek. Vaktsına sonymen qatar epıdemııanyń aldyn alatyn búgingi úmit. Sizge vaktsına egý kerek. Bul – bárimiz úshin basty jáne mańyzdy mindet», - dedi Igor Volkov.
Eske salaıyq, Qazaqstanda koronavırýsqa qarsy vaktsınalaý birinshi aqpanda bastaldy.
2021 jylǵy 1 shildedegi málimet boıynsha, Qazaqstanda I komponentpen - 3 413 684 adam, II komponentpen 2 039 622 adam vaktsınalandy.
