Medıtsına akademııasynyń jataqhanasynda shyqqan órt eki stýdenttiń ómirin jalmap ketti
ASTANA. QazAqparat - Smolensk qalasynda jataqhanada shyqqan órt saldarynan eki stýdent qaza tapty, dep habarlady TJM óńirlik basqarmasynan.
Máskeý ýaqytymen saǵat 07:20 tórtinshi qabattaǵy bólmede órt shyqty. Oqıǵa ornyna kelgen órt sóndirýshiler jalyndy aýyzdyqtady, bólmelerdiń birinen eki stýdenttiń máıiti tabyldy.
Vedomstvo aqparatynsha, janǵan ǵımarattan 200-den astam adam qaýipsiz jerge shyǵaryldy. Іz-túzsiz joǵalǵandar joq.
Jedel qyzmetterdegi aqparat kózi ottyń shyǵý sebepteriniń ishinde órt qaýipsizdigin saqtamaý, sonymen qatar elektr symdarynyń tuıyqtalýy nusqalary qarastyrylyp otyrǵandyǵyn málim etti.
TASS agenttigi habarlaǵandaı, órt shyqqan jataqhanada negizinen sheteldik stýdentter turady. Olardyń ishinde úndistandyqtar da bar.
