Medıatulǵalar kótergen ıAkor aýylyndaǵy sý máselesi: SQO ákimdigi jaýap berdi
Petropavl mańyndaǵy ıAkor eldi mekeniniń turǵyndary jaz bolsa taza sýdan taryǵady. Eki myńnan astam turǵyny bar aýylda sý saǵattap qana beriledi. Oǵan qubyrlardyń eskirýi sebep. Mamandardyń aıtýynsha, jazda sýdy paıdalaný normasy artady, al qysymdy arttyrýǵa ótken ǵasyrda salynǵan qubyrlar shydas bermeıdi.
Eldi meken turǵyndary máseleni aıta-aıta jaýyr bolyp, jergilikti bıliktiń nazaryn aýdarý úshin araǵa juldyzdardy da saldy.
SQO ákimdigi ıAkor aýylyndaǵy sý máselesine qatysty áleýmettik jelide jaýap berdi.
«Qyzyljar aýdanyndaǵy ıAkor aýylynda 700 úı bolsa, sonyń 660-sy ortalyqtandyrylǵan sý jelisine qosylǵan. Sý taratý jelisiniń eskirýine baılanysty sýdy toqtaýsyz berýge múmkindik joq. Sý taratý jelisin jónge keltirý úshin bıyl 475 mln teńgege jobalyq-smetalyq qujat ázirlendi.
Qazirgi ýaqytta joba saraptamadan ótip jatyr, oǵan ýaqyt kerek. Bıyl ındýstrııa jáne ınfraqurylymdyq damý mınıstrligine respýblıkalyq bıýdjetten qarjy bólý úshin tapsyrys beriledi. Kelesi jyly ıAkor aýylynda sý taratý jelisin jańǵyrtý jumystary bastalady», - delingen SQO ákimdiginiń jaýabynda.
